Leitað eftir peningaaðstoð
„Viltu rétta hjálparhönd?“ er yfirskrift auglýsingar, sem var sett nýlega inn á íbúðasíðu Skaftár- hrepps á Facebook og hefur vakið þó nokkra athygli. Verið er að vekja athygli almennings á gagngerum og löngu nauðsynlegum endurbótum á eldhúsi Hjúkrunar- og dvalarheimilisins Klausturhóla á Kirkjubæjarklaustri, sem á að ráðast í.
Verkefnið hefur nú þegar fengið 20 milljóna króna styrk úr Framkvæmdasjóði aldraðra en það dugir ekki til og því hefur heimilið leitað til íbúa sveitarfélagsins eða annarra um frekari fjárframlög til verkefnisins.
„Það er verið að byggja nýtt eldhús hjá okkur, sem verður vinnslueldhús fyrir Skaftárhrepp. Hingað til hefur allur matur verið eldaður í skólanum og fluttur til okkar og í leikskólann. Með nýju eldhúsi verður allt eldað á Klausturhólum og flutt út í skóla og leikskóla,“ segir Margrét Guðmundsdóttir, hjúkrunarforstjóri Klausturhóla, aðspurð um málið.
Margrét segir að Framkvæmda- sjóður aldraðra borgi aldrei meira en 60% af kostnaðaráætlun verkefna eins og þessa og því sé verið að kalla eftir aðstoð úr samfélaginu. „Okkur langar að gera matsalinn fínan líka, skipta þá út innanstokksmunum þar og fá t.d. nýja góða stóla og því kæmu peningar samfélagsins vel í það verkefni,“ segir Margrét.
Skaftárhreppur á húsnæðið en Sjúkratryggingar borga fyrir hvert rými eins og á flestum hjúkrunarheimilum en á Klausturhólum eru alls sautján hjúkrunar- rými og tvö dvalarrými. Starfsmenn eru 20.
