Framkvæmdir hafnar við þjónustuhús Bláa Lónsins
Höfundur: Þröstur Helgason
Fyrsta skóflustunga var tekin í vikunni að nýju þjónustuhúsi Bláa Lónsins í Árnesi.
Húsið verður um 1.000 fermetrar að stærð og mun þjóna rekstri fyrirtækisins á svæðinu, þar á meðal Gestastofunni og Fjallaböðunum í Þjórsárdal, hótelinu í Hrauneyjum og allri starfsemi félagsins í Kerlingarfjöllum.
Í húsinu verða meðal annars þvottahús, lagerar, bifreiða- þjónusta og kæli- og frystigeymsla. Framkvæmdir eru í höndum Landsstólpa, fyrirtækis með heimilisfesti í Skeiða- og Gnúpverja- hreppi. Áætlað er að um tíu starfsmenn muni starfa í húsinu þegar starfsemi í Þjórsárdal hefst vorið 2028.
Framkvæmdir eru nú hafnar og stefnt er að því að húsið verði tekið í notkun undir lok árs 2026.
