Vinsamlegast athugið að þetta efni er eldra en 6 ára.
Nýi timburflutningabíllinn er Scania R 620 topliner Palfinger Epsilon Q150L97 með krana með húsi aftan á hleðslupalli sem hleður jöfnum höndum á bíl og tengivagn.
Nýi timburflutningabíllinn er Scania R 620 topliner Palfinger Epsilon Q150L97 með krana með húsi aftan á hleðslupalli sem hleður jöfnum höndum á bíl og tengivagn.
Á faglegum nótum 16. febrúar 2018

Kaupa fyrsta sérsmíðaða timburflutningabíl landsins ásamt fyrsta vínekrutraktornum

Höfundur: Hörður Kristjánsson
Fyrsti sérsmíðaði timbur­flutninga­bíllinn kom til landsins fyrir skömmu. Það er fyrirtækið Skógarafurðir ehf. í Fljótsdal sem keypti ækið sem samanstendur af bíl með hleðslupalli og krana og sérsmíðuðum tengivagni. 
 
Fyrirtækið RAG import – export í Hafnarfirði aðstoðaði við innflutninginn en Bjarki M. Jónsson hjá Skógarafurðum segir að þetta æki komi til með að auðvelda þeim mikið að sækja hráefni til vinnslunnar.
 
Hann er af gerðinni Scania R 620 topliner árerð 2008. Var bíllinn sóttur alla leið til Lapplands í Finnlandi. 
 
Bíllinn er útbúinn fyrir XL timbur pakka frá Alucar í Finnlandi með 2015 árg Palfinger Epsilon Q150L97 með krana með húsi. Þetta er nýjasta línan af skógarkrana frá þeim. 
 
Tengivagninn er 12 metra og 4 öxla finnskur beislisvagn að gerðinni JYKI. Hann er einnig útbúinn frá Alucar. Vagninn er hægt að lengja og stytta um 4 metra og segir Bjarki það mjög hentugt þegar snúa þarf á þröngum skógarvegum. Einnig til að hafa ekki vagninn lengri en hann þarf að vera miða við lengd á trjábolunum. Hægt er að setja tvö 3 metra bunkt á bílinn eða eitt 6 metra og á vagninn er einnig hægt að setja 3 bunkt að 4 metra bolum. 
 
Hleðslumetið á þessum bíl var sjö mínútur
 
Bíllinn er eins og fyrrr segir með krana með húsi aftan við pall og situr kranastjórinn það hátt að hann sér vel yfir hleðsluvagninn þegar hlaðið er á bílinn. Bjarki segir að mun ódýrara og fljótlegra verði að hlaða timbri á vagninn en hingað til hefur þekkst við timburflutninga úr íslenskum skógum. Það sem menn hafi áður verið að gera við hleðslu á vagna á einhverjum klukkutímum með krana og bíl, taki þennan bíl vel innan við hálftíma. 
 
„Timburflutningabílar af þessu tagi eru stöðugt að verða fljótvirkari. Met fyrri eiganda við að hlaða á þennan bíl við fjögurra metra efni var sjö mínútur.“     
 
Þennan bíl kaupi ég bara til að þjónusta mig og sækja efni fyrir þetta fyrirtæki. Hingað til hefur heimflutningurinn verið svo dýr og kostað kannski 500 þúsund á hvern bílfarm. Af því er um 100 til 150 þúsund króna kostnaður við að lesta bílinn. Það er peningur sem ég er ekki tilbúinn að borga og losna við með þessum nýja bíl.“
 
Fyrsti vínekrutraktórinn
 
Auk þessa bíls keyptu Skógarafurðir líka fyrstu sérhæfðu vínekrudráttarvél landsins. Segir Bjarki að sú vél, sem er ítölsk og af gerðinni Valpadana, sé sérhæfð til að vinna í miklum hliðarhalla sem henti vel í skógræktarvinnunni. Aftan í hann er svo hengdur timburvagn til að sækja timbur í eldiviðarframleiðslu fyrirtækisins. Samtals eru þetta fjárfestingar upp á um 20 milljónir króna. 
 
„Við erum oft að skrönglast einhverjar erfiðar leiðir og þá höfum við verið að berjast við að finna tæki sem tylldi á hjólunum. Það er nú leyst með þessu tæki,“  segir Bjarki. Þennan traktor ætlum við líka að nota við öðruvísi jólatrjáaakur. Þar ætla ég að nýta tún og breyta því jólatrjáaakur líkt og gert er á vínekrunum. Ég tek þá bara grasþökurenninga sem plantað verður í og á milli þeirra verður bil sem traktorinn kemst um og verður það svo slegið reglulega.  
 
Fyrirtækið byggist hratt upp
 
Bjarki segir að Skógarafurðir hafi verið að byggjast upp mjög hratt á skömmum tíma. 
 
„Við erum að vinna timbur úr bændaskógum hér á svæðinu og svo úr mínum skógi. Svo erum við að fara að fá ösp frá Sandlæk á Suðurlandi. Eins erum við að reyna að fá greni úr Skorradal til vinnslu. Við erum þannig svolítið að færa út kvíarnar með að þjónusta landið.“
 
Bjarki segir að um sé að ræða grisjunarvið úr íslenskum skógum. Hingað til hafi megnið af honum farið til brennslu í málmblendiverksmiðjunni í Hvalfirði, en nú sé Skógarafurðir farið að framleiða úr viðnum timbur fyrir byggingariðnaðinn. 
 
„Þetta er eina einkarekna sögunarmylla landsins og þjónustar skógarbændur á landsvísu. Við erum mest að framleiða panel, parket, pallaefni,  utanhússklæðningar og eldivið. Hér eru þrír þurrkarar og þar af landsins stærsti þurrkari sem ég nota m.a. til að þurrka eldivið. Við erum að senda frá okkur einn til tvo bíla af eldiviði á mánuði fyrir pitsuhúsin. Eldiviðarframleiðslan er okkar fasti punktur og brúar reglulegan fastakostnað hjá fyrirtækinu. Önnur verkefni taka mislangan tíma og tekjur af því skila sér hægar.“ 
 
Bjarki segir að mikill kostnaður liggi í að koma á fót svona fyrirtæki og efniskostnaður við að byggja upp lager sé mikill. Þá taki þetta allt langan tíma. Hráefniskostnaður af einum bílfarmi geti verið um ein milljón og síðan taki tíma að þurrka og vinna efnið. 
 
„Þar að auki er maður í bullandi samkeppni við ríkið, en við settum okkur þó strax það markmið að sérhæfa okkar á öðrum sviðum en Skógræktin er að gera.“  
 
Bjarki segir að markaðssetning á fyrirtækinu hafi gengið með ágætum. Sem stendur hafi þeir ekki haft undan að framleiða nema í sérpantanir fyrir utan eldivið. 
 
„Við erum að taka það skref að fara að framleiða á lager staðlaðar stærðir af smíðavið. Í því augnamiði vorum við að biðja Skógræktina um þúsund rúmmetra af greni á ári.“
 
Öfugsnúin þróun
 
Bjarki segir líka mjög öfugsnúið að ríkið skuli enga áherslu hafa lagt á skógrækt til kolefnisjöfnunar. Samt horfi menn fram á það á sama tíma að ríkið muni þurfa að greiða 11 milljarða í sekt til útlanda fyrir kolefnisútblástur á ári frá 2020. 
 
„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...