Boðað til aukabúnaðarþings í ágúst

Stjórn Bændasamtaka Íslands hefur boðað til aukabúnaðarþings sem haldið verður í Reykjavík föstudaginn 14. ágúst nk. á Hótel Nordica.

Á Búnaðarþingi 2026, sem haldið var í mars sl., var samþykkt að skipa sjö manna milliþinganefnd sem starfa skyldi fram að næsta Búnaðarþingi. Nefndinni var falið að greina áhrif aðildar Íslands að Evrópusambandinu á íslenskan landbúnað, þ.m.t. hver áhrifin yrðu á landbúnaðinn meðan á aðildarviðræðum stæði. Með nefndinni starfa sérfræðingar innan Bændasamtakanna sem utan. Þess vinna er langt á veg komin og verður afurð hennar í formi skýrslu. Niðurstöðurnar verða síðan teknar fyrir á aukabúnaðarþingi þar sem þingfulltrúar álykta um þær. Þetta kemur fram í fréttatilkynningu frá Bændasamtökum Íslands.

Til þingsins eru boðaðir þeir aðalmenn sem kjörnir voru til setu á Búnaðarþingi 2026.