Ársfundur Bændasamtaka Íslands 2017 settur í Hofi
Nú rétt í þessu var fyrsti ársfundur Bændasamtaka Íslands (BÍ) settur í Hofi á Akureyri.
Er ársfundurinn haldinn vegna breytinga á samþykktum BÍ á Búnaðarþingi 2015. Ársfundur er annars eðlis en Búnaðarþing, en fulltrúar á Búnaðarþingi hafa þó einir atkvæðisrétt á ársfundinum.
Ársfundurinn kemur í stað Búnaðarþingsins annað hvert ár. Þar verða ekki lagðar fram neinar ályktanir, en reikningar samtakanna fyrir árið 2016 verða afgreiddir og fjárhagsáætlun 2017. Þar er kosinn skoðunarmaður og endurskoðanda til eins árs.
Sindri Sigurgeirsson flytur fundinum skýrslu um störf samtakanna, en ekki formlega setningarræðu eins og á Búnaðarþingi.
Fundargestir á ársfundi BÍ 2017.
Dagskrá ársfundarins verður tvískipt; fyrir hádegi eru hin eiginlegu aðalfundarstörf en eftir hádegi er ráðstefna undir yfirskriftinni Búskapur morgundagsins. þar sem fjallað verður um efnið frá mismunandi sjónarhornum. Þar verður m.a. fjallað um nýjustu tækni, sjálfbærni í landbúnaði, verktöku til sveita og fleira.
Í kvöld er síðan bændahátíð í Hofi þar sem að Haraldur Benediktsson alþingismaður og fyrrum formaður BÍ stýrir veisluhöldum.
Dagskrá ráðstefnunnar er sem hér segir:
Ráðstefnudagskrá - Búskapur morgundagsins
föstudaginn 3. mars kl. 13.00-16.00
Setning ráðstefnu: Sindri Sigurgeirsson, formaður BÍ
Ávarp: Þorgerður Katrín Gunnarsdóttir landbúnaðarráðherra
Að stíga feti framar – nýsköpun, sjálfbærni og kolefnislausnir í landbúnaði?
Ari Trausti Guðmundsson alþingismaður
Sjálfbærni í landbúnaði – tækifæri til aukinnar hagsældar
Auður Magnúsdóttir, deildarforseti auðlinda- og umhverfisdeildar LbhÍ
Straumar og stefnur í neytendamálum – breytingar á neytendamarkaði og samfélagsábyrgð
Oddný Anna Björnsdóttir, verkefnastjóri, umhverfi - samfélag - lýðheilsa, hjá Krónunni
Kaffihlé
Nýjasta tækni í landbúnaðartækjum og orkunotkun
Finnbogi Magnússon landbúnaðartæknifræðingur
Vélaverktaka til sveita – tæknilausnir og hagkvæmni
Bessi Freyr Vésteinsson, vélaverktaki og bóndi í Hofsstaðaseli
Tækni við úrvinnslu búvara – rekjanleiki og upplýsingagjöf til neytenda
Brynjar Már Karlsson, nýsköpun og þróun hjá Marel
Pallborðsumræður fyrir kaffihlé og að erindum loknum
Ráðstefnustjóri: Guðrún Rósa Þórsteinsdóttir, forstöðumaður Rannsóknamiðstöðvar Háskólans á Akureyri.
