Alladín-ungbarnahúfa

Húfur eru einstaklega skemmtilegar að prjóna, því litlir sætir verðandi eigendur elska hlýjar, mjúkar húfur í vagninn. Nú er aðeins farið að halla sumri og því við hæfi að setja inn uppskrift að fallegri ungbarnahúfu fyrir haustið. Hér er ein sem hefur notið mikilla vinsælda og er æðisleg í hvaða lit sem er og lítið mál að prjóna hana í hring. 

 

BabyDROPS 21-34

 

DROPS Design: Mynstur nr Z-085-by

Garnflokkur A 

 

HÚFA: 

 

Stærð: 1/3 - 6/9 - 12/18 mán (2 - 3/4) ára

 

Höfuðmál í cm:

40/42-42/44-44/46 (48/50-50/52) 

 

Efni: DROPS ALPACA frá Garnstudio

Nr 607, ljós brúnn: 50 gr í allar stærðir 

DROPS PRJÓNAR NR 2,5 – eða sú stærð sem þarf til að 26 og 34 umf með sléttprjóni verði 10 x 10 cm. 

ÚTAUKNING:

Allar útaukningar eru gerðar frá réttu. Aukið er út um 1 l á undan og eftir l með prjónamerki með því að slá uppá prjóninn. Í næstu umf er uppslátturinn prjónaður snúinn br (þ.e.a.s. prjónað er aftan í lykkjubogann í stað framan) til þess að koma í veg fyrir göt.

 

ÚRTAKA:

Allar úrtökur eru gerðar frá réttu. Fækkað er um 1 l hvoru megin við l með prjónamerki. Byrjið 1 l á undan l með prjónamerki. Setjið 1 l á hjálparprjón fyrir aftan stykkið, takið 1 l óprjónaða (= l með prjónamerki), prjónið næstu l og l af hjálparprjóni slétt saman, steypið óprjónuðu l yfir.

 

HÚFA: 

Stykkið er prjónað fram og til baka á prjóna. Fitjið upp 117-123-129 (135-141) l (meðtalin er 1 kantlykkja á hvorri hlið) á prjóna nr 2,5 með Alpaca. Prjónið 8 umf slétt (umf 1 = rétta). 

Setjið 7 prjónamerki í stykkið frá réttu þannig:

1. prjónamerki í 2. l í umf.

2. prjónamerki í 25.- 26.- 27. (28.- 29.) l,

3. prjónamerki í 48.- 50.- 52. (54.- 56.) l,

4. prjónamerki í 59.- 62.- 65. (68.- 71.) l,

5. prjónamerki í 70.- 74.- 78. (82.- 86.) l,

6. prjónamerki í 93.- 98.- 103. (108.- 113.) l, 

7. prjónamerki í næst síðustu l í umf.

Prjónið nú sléttprjón með 1 kantlykkju með garðaprjóni á hvorri hlið – JAFNFRAMT í umf 1 byrjar útaukning og úrtaka – Lesið ÚTAUKNING og ÚRTAKA að ofan – í annarri hverri umf þannig:

Aukið út um 1 l á eftir 1. prjónamerki.

Fækkið um 1 l hvorum megin við 2. prjónamerki.

Aukið út um 1 l hvorum megin við 3. prjónamerki.

Fækkið um 1 l hvorum megin við 4. prjónamerki.

Aukið út um 1 l hvorum megin við 5. prjónamerki.

Fækkið um 1 l hvorum megin við 6. prjónamerki.

Aukið út um 1 l á undan 7. prjónamerki.

Haldið áfram með útaukningu og úrtöku frá réttu í annarri hverri umf 6 sinnum. Fellið síðan af hvoru megin við 2., 4. og 6. prjónamerki í hverri umf frá réttu þar til 15 l eru eftir á prjóni. Stykkið mælist ca 15-15-16 (16-17) cm frá neðsta oddi við 2. eða 6. prjónamerki = eyrnaleppur.

Næsta umf er prjónuð frá réttu þannig: Prjónið 1 l sl, 2 l slétt saman, 9 l sl, 2 l slétt saman, 1 l sl = 13 l. Endurtakið úrtöku frá hvorri hlið í hverri umf (frá röngu eru prjónaðar 2 l á undan og á eftir kantlykkju br saman) þar til 3 l eru eftir, fellið af og dragið bandið í gegnum l.

 

FRÁGANGUR:

Saumið húfuna saman við miðju að aftan innan við 1 kantlykkju.

Miðju oddurinn af þeim 3 heilu við uppfitjunarkantinn liggur að enni að framan.

 

SNÚRA:

Fitjið upp 4 l á prjóna nr 2,5. Prjónið þannig: * Prjónið 1 l sl, leggið bandið fyrir framan stykkið (á móti þér), takið 1 l eins og prjóna eigi hana br, leggið bandið aftur fyrir aftan stykkið (frá þér) * , endurtakið frá *-* í öllum umf. Nú myndast hringprjónuð snúra. Fellið af þegar snúran mælist ca 20-22-24 (26-28) cm. Prjónið 1 snúru til viðbótar alveg eins. Festið hana síðan á hvern eyrnalepp á hvorri hlið.

 

Prjónakveðja fjölskyldan Gallery Spuna.