Trausti áfram formaður Bændasamtakanna

Trausti Hjálmarsson sauðfjárbóndi í Austurhlíð var einn í framboði og er því sjálfkjörinn formaður Bændasamtakta Íslands til 2028.

Framboðsfrestur í embættið rann út á miðnætti þann 2. mars.

Samkvæmt samþykktum Bændasamtakanna er formaður kosinn á tveggja ára fresti, til tveggja ára í senn, með rafrænni kosningu meðal allra félagsmanna. Sé einungis einn frambjóðandi til formanns þegar frestur til framboðs rennur út telst viðkomandi sjálfkjörinn.

Trausti hefur verið formaður Bændasamtakanna sl. tvö ár.