Tekjur í sauðfjár- og kúabúskap dragast saman

Hagstofa Íslands hefur gefið út rekstrar- og efnahagsyfirlit landbúnaðarins fyrir sauðfjárbú, kúabú og önnur nautgripabú eftir aðalstarfssemi. Yfirlitin eru byggð á rekstrarframtölum en sett fram á formi hefðbundinna rekstrar- og efnahagsreikninga.

Rekstraraðilum í landbúnaði er skipt eftir aðalstarfsemi samkvæmt atvinnugreinaflokkum og skiptingu tekna úr landbúnaði samkvæmt framtölum (e. main economic activity). Aðalstarfsemi er þannig sú búgrein sem skilar hæstu hlutfalli tekna hvers bús. Upplýsingarnar eru settar fram eftir landsvæði og stærðarskiptingu búa.

Sauðfjárbú
Árið 2017 höfðu 1.441 aðilar sauðfjárbúskap að aðalstarfsemi og hafði þeim fækkað um 36 frá árinu áður. Tekjur sauðfjárbúa námu 11,8 ma.kr. króna árið 2017 og lækkuðu því um 10,0% miðað við árið 2016. Afkoma sauðfjárbúa fyrir skatta (EBIT) dróst af þeim sökum saman um 56% milli áranna 2016 og 2017.

Af þeim 1.441 aðilum sem höfðu sauðfjárbúskap að aðalstarfsemi árið 2017 voru 520 sem höfðu færri en 100 fjár (36% af heildinni). Aðilar með færri en 100 fjár höfðu 1,2 ma.kr. í tekjur (11% af heildinni) en rekstrarafkoma þeirra fyrir fjármagnsliði reyndist neikvæð um 96 milljónir króna (en nettó afkoma allra búa 744 milljónir).

Kúabú
614 aðilar höfðu ræktun mjólkurkúa að aðalstarfsemi árið 2017. Tekjur þeirra voru 21,9 milljarðar króna það ár, samanborið við 23,9 milljarða króna árið áður og höfðu tekjur þar með lækkað um 8,5% milli ára. Rekstrarafkoma kúabúa fyrir skatta (EBIT) nam 3,4 ma.kr. árið 2017.

Eignir jukust um 5,5% frá fyrra ári og skuldir um 2,2%. Þar með batnaði eiginfjárstaða kúabúa í heild fimmta árið í röð og var eiginfjárhlutfall í lok árs um 0%.

Talnae