Sýning veitingageirans

Dagana 10.–11. nóvember fór fram sýningin Stóreldhúsið þar sem aðilar í matvælaframleiðslu og veitingageiranum fengu tækifæri til að sýna sínar vörur og sjá hvað aðrir eru að gera.

Viðburðurinn hefur verið haldinn annað hvert ár frá árinu 2005, fyrir utan hlé sem gert var á tímum samkomutakmarka árið 2021.

Ritsýn stóð fyrir mann­fagnaðinum, en það eru sömu aðilar og skipulögðu Sjávarútvegssýninguna í september og Landbúnaðarsýninguna í október.

Ekki var eins fjölmennt á þessa sýningu og þær sem haldnar voru fyrr í haust, þar sem einungis aðilar innan veitingageirans fengu að mæta.