Stuðla að endurmenntun bænda

Stuðla á að endurmenntun bænda með samstarfi Bændasamtaka Íslands og Fjölbrautaskóla Suðurlands.

Bændasamtök Íslands og Fjölbrautaskóli Suðurlands, Garðyrkjuskólinn á Reykjum (Endurmenntun Græna geirans) gerðu fyrir jól með sér samkomulag um fræðslu á sviði garðyrkju, umhverfismála og skógræktar.

Í því felst að Endurmenntun Græna geirans heldur námskeið á fagsviðum garðyrkju, umhverfismála og skógræktar í samstarfi við Bændasamtökin og deildir innan þeirra tengdar græna geiranum.

Markmið fræðslunnar er að stuðla að sí- og endurmenntun bænda með námskeiðahaldi og fjölbreyttri fræðslu, bæði með stökum námskeiðum og námskeiðsröðum.