Stjörnuspá vikunnar

Vatnsberinn má eiga von á spennandi dögum fram undan þegar kemur að málum hjartans. Þeir sem eru í sambandi eru nú meira samstiga en nokkru sinni fyrr en þurfa að hlusta aðeins betur á hvort annað. Einhleypir gætu kynnst einhverjum sem kveikir í þeim en einungis ef þeir eru opnir fyrir nýjum möguleikum. Happatölur 5, 13, 52.

Fiskarnir þurfa að gæta þess að halda um taumana þegar kemur að fjárhagnum en ekki láta tilfinningarnar stjórna eyðslunni. Fiskarnir ættu að velta fyrir sér nýjum leiðum til aukinna tekna og taka inn í dæmið það sem þeir hafa fram að færa með raunsæi að leiðarljósi. Happatölur 22, 17, 66.

Orka hrútsins er í hámarki og hann er nokkuð viss um að vera tilbúinn til að taka af skarið á ýmsum vígstöðvum. Ný verkefni eða ábyrgð blasa við þar sem hrúturinn ætti að virkja leiðtogahæfileika sína. Hann veldur mun meiru en hann heldur og sérstaklega ef hann hugar að smáatriðunum – þau skipta máli næstu daga. Happatölur 11, 13, 32.

Nautið þarf að sýna þolinmæði því þrátt fyrir allt er ástarlífið á réttri leið. Þau naut sem eru í sambandi ættu að sýna maka sínum nærgætni og gæta jafnvægis á öllum vígstöðvum. Einhleypir gætu fundið áhugaverða tengingu, en ef vel á að fara þarf fullkomið traust að ríkja. Happatölur 66, 46, 14.

Tvíburinn finnur að eftir nokkurt álag er heilsan að skríða í jafnvægi, en með það í huga er gott að huga að algjörri hvíld og endurheimt. Einhverjir tvíburar þurfa að taka mataræðið í gegn og aðrir verða að vara sig á sjúkdómum tengdum mat. Ef til vill væri ráð að kanna blóðflokkafæðið sem þótti hvað mest móðins á níunda aratugnum. Happatölur 2, 13, 14.

Krabbinn mun upplifa nú á fyrstu vikum sumars að eitthvað kviknar í tilfinningamálunum. Einhleypir krabbar ættu að hugsa 2-3 ár aftur í tímann og muna hver kitlaði huga þeirra á þeim tíma. Hafa svo samband. Heilt yfir þarf krabbinn að vera óhræddur við dýpri tengingar því það gerir manni svo gott. Happatölur 12, 55, 64.

Ferill ljónsins er að taka nýja stefnu þar sem það getur náð langt með ástríðu og hugrekki. Nú er tími nýrra áskorana þar sem leiðtogahæfileikar ljónsins nýtast vel. Það þarf þó að hafa opinn huga og tilbúið til að taka á móti nýjum hugmyndum sem hjálpa því að vaxa. Framtíðin er björt ef hugurinn er opinn fyrir staðfestu og víðsýni. Happatölur 30, 31, 7.

Ástin fær meyjuna til að hugsa djúpt og íhuga næstu skref. Fyrir þær meyjur sem eru í sambandi og hafa hug á að taka næstu skref, er þetta góður tími til að ýta undir frekari tengingar og bæta samskiptin. Einhleypir munu hnjóta um manneskju sem færir þeim gæfu og opnar huga þeirra, en ættu að vera þolinmóðir og leyfa hlutunum að þróast á náttúrulegan hátt. Happatölur 2, 11, 21.

Vogin gengur nú inn í tímabil þar sem henni gefst kjörið tækifæri til að skoða eigin lífsgildi og áhugamál. Með því að leggja áherslu á persónulegan vöxt getur hún náð nýjum hæðum og ætti að taka sér tíma til að hugsa um framtíðina og hvernig hún getur orðið besta útgáfan af sjálfri sér.

Sporðdrekinn þarf að hafa varann á sér hvað varðar allar fjárfestingar. Nokkur áhætta er á tapi á einn hátt eða annan en að sama skapi réttur tími til að leita að nýjum fjárhagslegum tækifærum. Sporðdrekinn þarf að ganga úr skugga um og meta allar áhættur áður en hann tekur ákvarðanir, bæði stórar eða smáar. Happatölur 17, 49, 15.

Ástir bogmannsins eru aldeilis á uppleið en nú opnast flóðgátt nýrra tækifæra eða möguleikar á styrkingu núverandi sambands. Þeir bogmenn sem eru í sambandi ættu að opna fyrir erfið samtöl með nærgætni. Hjá þeim sem eru óbundnir virðist sem þeir hafi aldrei verið vinsælli. Í báðum tilvikum skal fara varlega en djarflega. Happatölur 26, 6, 79.

Steingeitin þarf að taka á honum stóra sínum og nýta þann styrk sem hún býr yfir ef hún ætlar að breyta því sem plagar hana. Einhverjir hnökrar virðast á málum sem standa steingeitinni nærri en með vandlegri ígrundun ætti hún að geta fundið lausnina. Happatölur 13, 12, 74.