Spilar á gítar með Spilastokkunum

Jón Björn er tólf ára nemandi í Kleppjárnsreykjaskóla. Hann spilar á gítar í hljómsveit ásamt nokkrum vinum sínum sem þeir kalla Spilastokkarnir. Jón á líka nokkrar kindur sem hann sinnir á hverjum degi. 

 

Nafn: Jón Björn Blöndal.

Aldur: 12 ára.

Stjörnumerki: Sporðdreki.

Búseta: Jaðri í Bæjarsveit.

Skóli: Kleppjárnsreykjaskóli.

Hvað finnst þér skemmtilegast í skólanum? Íþróttir, smíði og stærðfræði.

Hvert er uppáhaldsdýrið þitt? Ég á nokkrar kindur sem ég fer til á hverjum degi til að gefa. Kindurnar eru í uppáhaldi hjá mér.

Uppáhaldsmatur: Lambahryggur með brúnuðum kartöflum, rifsberjahlaupi og brúnni sósu.

Uppáhaldshljómsveit: Spila­stokkarnir.

Uppáhaldskvikmynd: Mér finnst gaman að horfa á íþróttaleiki t.d. körfubolta-, fótbolta- og handboltaleiki.

Fyrsta minning þín? Þegar ég var á Tenerife.

Æfir þú íþróttir eða spilarðu á hljóðfæri? Ég æfi körfubolta, spila á gítar og spila með hljómsveitinni Spilastokkarnir með nokkrum vinum.

Hvað ætlar þú að verða þegar þú verður stór? Ég ætla að verða bóndi og körfuboltamaður.

Hvað er það klikkaðasta sem þú hefur gert? Klöngrast í klettunum sem heita Tökin í Aðalvík.

Hvað er það leiðinlegasta sem þú hefur gert? Að vera stressaður.

Gerðir þú eitthvað skemmtilegt í sumar?  Ég fór í útilegu í Flókalund í góðu veðri og fór líka til Englands með fjölskyldunni.