Opnað fyrir umsóknir
Höfundur: Katrín Lilja Jónsdóttir
Kornræktendur sem skila upplýsingum um sáningu korns í skýrsluhaldsforritið Jörð fyrir 15. júní 2026 og senda skýrsluna í Afurð geta sótt um fyrirframgreiðslu styrksins. Umsókn er stofnuð í Afurð.
Fyrirframgreiðslan nemur að jafnaði 25% af einingaverði jarðræktarstyrks á hektara samkvæmt viðmiðum fyrra árs. Fyrirframgreiðslur eru einungis greiddar vegna kornræktar og koma til frádráttar endanlegum jarðræktarstuðningi sem greiddur verður út í desember 2026.
Almennur umsóknarfrestur um jarðræktarstyrki og landgreiðslur er óbreyttur og rennur út 1. október 2026.
