Níu hleðslustöðvar komnar upp

Níu sveitabæir víðs vegar um landið hafa tekið rafhleðslustöðvar fyrir rafbíla í notkun. Bændurnir á bæjunum bjóða gestum upp á rafhleðslu undir merkjum „Hleðslu í hlaði“ sem er samvinnuverkefni bænda, Hey Iceland, Orkuseturs og  Bændasamtaka Íslands. Bæirnir  eru eftirfarandi:
 

• Bjarteyjarsandur í Hvalfirði
• Bragðavellir í Hamarsfirði
• Dæli í Fnjóskadal
• Geitfjársetrið Háafelli í Borgarfirði
• Heydalur á Vestfjörðum
• Hraunsnef í Norðurárdal
• Litli Geysir í Haukadal
• Silva í Eyjafjarðarsveit
• Sölvanes í Skagafirði

Fleiri bæir eru í startholunum að setja upp hleðslustöðvar. Þá verður ný stöð opnuð á næstu vikum við Bændahöllina í Reykjavík þar sem gestum á Hótel Sögu og öðrum sem eiga erindi í húsið býðst að hlaða sinn rafbíl. 

 

Fjallað var um rafbílavæðingu á Íslandi í fréttaskýringaþættinum Kveiki í Ríkissjónvarpinu á þriðjudagskvöld. Þáttinn er hægt að nálgast hér en á mínútu 14:28 var stuttlega sagt frá Hleðslu í hlaði.