Kjarnaborun vegna Eyjaganga

Fyrirtækið Eyjagöng ehf. hefur óskað eftir því við sveitarstjórn Rangárþings eystra að fá framkvæmdaleyfi fyrir kjarnaborun í Landeyjarsandi.

Skipulags- og umhverfisnefnd hefur lagt til við sveitarstjórn að veita framkvæmdaleyfi með þeim fyrirvara að samþykki landeigenda liggi fyrir og var það samþykkt með sjö atkvæðum í sveitarstjórn.

Áformað er að bora kjarnaborholuna í Landeyjasandi um það bil 300 metra djúpa. Áætlað er að framkvæmdin taki um einn mánuð og boranir fari fram á tímabilinu apríl til júní 2026.