Kálfafell 2

Á Kálfafelli 2 í Suðursveit hefur verið eingöngu sauðfjábúskapur í 26 ár og nú er tíundi ættliðurinn að taka við.

Býli: Kálfafell 2

Staðsett í sveit: Suðursveit. Sveit sólar.

Ábúendur: Bjarni Steinþórsson, Hrefna Guðmundardóttir, Aðalbjörg Bjarnadóttir, Bjarni Haukur Bjarnason og smalamaðurinn Ingunn Bjarnadóttir..

Fjölskyldustærð (og gæludýra): Fimm, auk þriggja hundar.

Stærð jarðar? 6000 ha.

Gerð bús? Sauðfjárbú.

Fjöldi búfjár og tegundir? 600 fjár, 9 geitur, 7 hænur og 5 hestar.

Hvernig gengur hefðbundinn vinnudagur fyrir sig á bænum? Það er mjög árstíðarbundið. Þessa dagana hefur verið heyskapur svo maður reynir að krafla í því meðan vel viðrar. Þess á milli erum við að byggja íbúðarhús sem allur frítími fer í.

Skemmtilegustu/leiðinlegustu bústörfin? Hjá yngri bændunum er heyskapur, sæðingar og sauðburður á toppnum! Það er alltaf svo mikið stuð á bænum að ekkert starf getur orðið leiðinlegt.

Hvernig sjáið þið búskapinn fyrir ykkur á jörðinni eftir 5 ár?

Bara mjög svipaðan. Kannski fleiri geitur og betri smalahundar.

Hvaða skoðun hafið þið á félagsmálum bænda?

Það vantar alla samstöðu. Það er alltof mikill metingur á milli bænda.

Hvernig mun íslenskum landbúnaði vegna í framtíðinni?

Hann mun sveiflast upp og niður einsog hann hefur gert síðustu áratugi.

Hvar teljið þið að helstu tækifærin séu í útflutningi íslenskra búvara?

Það er hægt að flytja allt út ef það er vel markaðsett.

Hvað er alltaf til í ísskápnum?

Mjólk, ostur og smjör.

Hver er vinsælasti maturinn á heimilinu?

Feitt kjöt af veturgömlu!

Eftirminnilegasta atvikið við bústörfin?

Einn veturinn þegar við fórum í morgungegningar var hurðin í gemsakrónni opin og hver einasta klauf farin út.

Þá hélt æðsti bóndinn að allir væru löngu horfnir til fjalla, en þegar við komum heim úr gegningum sáum við þá alla með tölu í garðinum heima. Það var mikill léttir.

5 myndir: