Auglýsing um tollkvóta vegna innflutnings á landbúnaðarvörum frá ríkjum Evrópusambandsins

Með vísan til samnings milli Íslands og Evrópusambandsins um viðskipti með landbúnaðarvörur á grundvelli 19. gr. EES-samningsins og til reglugerðar nr. 1304/2020 um úthlutunina, er hér með auglýst eftir umsóknum um tollkvóta fyrir eftirfarandi innflutning á landbúnaðarvörum, upprunnum í ríkjum Evrópusambandsins og með upprunavottorð þaðan fyrir tímabilið 1. janúar – 30. apríl 2021.

(**) skráð í samræmi við reglugerð ráðsins (EB) nr. 1151/2012 um vernd landfræðilegra merkinga og uppruna landbúnaðarafurða og matvæla

Úthlutun er ekki framseljanleg. Vegna sérstakra aðstæðna skal að þessu sinni senda tilboð með umsókn um tollkvóta, að undanskildum vörulið ex0406, sem verður úthlutað með hlutkesti sbr. 65. gr. B. búvörulaga nr. 99/1993. Tekið verður tillit til tilboða ef það berast umsóknir um meira magn innflutnings en auglýstum tollkvóta nemur. Ef til útboðs kemur ráða tilboðin úthlutun.

Tollkvótum verður fyrst úthlutað til hæstbjóðanda, svo til þess er næsthæst bauð og þannig koll af kolli uns tiltækum kvóta hefur verið úthlutað og greiða bjóðendur tilboðsfjárhæðina að fullu, í samræmi við XII. kafla búvörulaga nr. 99/1993, með síðari breytingum.

Með vísan til framangreinds verður ekki óskað eftir því að þessu sinni að send verði ábyrgðaryfirlýsing eða að tilboð verði staðgreidd til þess að tilboð teljist gilt.

Skriflegar umsóknir auk tilboða skulu berast til atvinnuvega- og nýsköpunarráðuneytis, að Skúlagötu 4, 150 Reykjavík, bréflega eða á postur@anr.is, fyrir kl. 12:00 þriðjudaginn 29. desember 2020.