Vilja ekki innleiða erlent kúakyn til mjólkurframleiðslu
Höfundur: Þröstur Helgason
Um sextíu prósent bænda í Bændasamtökum Íslands eru ósammála eða nokkuð ósammála því að innleiða erlent kúakyn til mjólkurframleiðslu á Íslandi. Um 25 prósent eru sammála eða nokkuð sammála og tæp sextán prósent eru óákveðin.
Þetta er niðurstaðan í skoðanakönnun Bændablaðsins meðal félagsmanna í Bændasamtökum Íslands en þeir eru um það bil 2.600. 396 greiddu atkvæði, eða 18,4 prósent félagsmanna. Könnunin stóð frá 10. til 16. febrúar.
