Vetrarpúði með kaðlamunstri

Hver elskar ekki að gera fínt og kózý hjá sér eftir sumarið. Það er mitt uppáhalds. Fátt er betra en að hnipra sig saman undir góðu teppi með góðan púða. Þessi er fullkominn fyrir kózý vetrarkvöld. 

 

Prjónað DROPS púðaver úr 2 þráðum Alpaca með köðlum

 

Mál: Ca. 45 x 45 cm – púðaverið passar fyrir kodda 50 x 50 cm það á að strekkjast aðeins á því þegar það er sett á.

 

Efni:  DROPS ALPACA frá Garnstudio - 350 g nr 100,  natur.

 

DROPS HRINGPRJÓNAR (60 eða 80 cm) NR 5 – eða þá stærð sem þarf til að 17 l x 22 umf með sléttprjóni með 2 þráðum verði 10 x 10 cm.

 

DROPS KAÐLAPRJÓNN – fyrir kaðla. 

 

GARÐAPRJÓN (prjónað í hring):

*1 umf sl og 1 umf br*, endurtakið frá *-*.

 

MYNSTUR:

Sjá teikningu A.1 og A.2. Teikning sýnir allar umf í mynstri séð frá réttu.

 

Púði:

Stykkið er prjónað í hring.

Fitjið upp 152 l með 2 þráðum Alpaca á hringprjóna nr 5. Prjónið 4 umf GARÐAPRJÓN – sjá skýringu að ofan. Prjónið síðan 1 umf slétt þar sem aukið er út um 20 l jafnt yfir = 172 l. Setjið 1 prjónamerki í hvora hlið. Prjónið * A.1a (= 2 l), A.1b (= 26 l), A.2 (= 30 l), A.1b (= 26 l), A.1c (= 2 l) *, endurtakið frá *-* 1 sinni til viðbótar. ATHUGIÐ PRJÓNFESTUNA! Haldið svona áfram með mynstur þar til A.1 hefur verið prjónað 5 sinnum á hæðina. Prjónið 4 umf garðaprjón – JAFNFRAMT í fyrstu umf er fækkað um 20 l jafnt yfir = 152 l. Fellið af. 

 

Frágangur: 

Brjótið uppá stykkið við prjónamerkin. Saumið saman efri hlið kant í kant yst í lykkjubogana. Fyllið púðaverið með kodda og saumið síðan saman neðri kantinn.

 

Bestu prjóna kveðjur frá Gallery Spuna.