Uppgjör fjárfestingastuðnings
Höfundur: Ástvaldur Lárusson
Matvælaráðuneytið hefur greitt út lokagreiðslu fjárfestingastuðnings í sauðfjár- og nautgriparækt vegna framkvæmda á árinu 2024.
Nautgripabændur fengu stuðning upp á samtals 266 milljónir króna vegna 126 framkvæmda. Raunkostnaður framkvæmda að baki þeim úthlutunum var rúmlega 3,1 milljarður króna.
Fjárfestingastuðningur til sauðfjárbænda var samtals 238 milljónir króna vegna 124 framkvæmda. Samanlagður kostnaður þeirra framkvæmda var 1,3 milljarðar króna. Í fréttatilkynningu frá matvælaráðuneytinu segir að markmið stuðningsins sé að stuðla að bættum aðbúnaði búfjár og hagkvæmari búskaparháttum.
