Tólf bú tilnefnd sem ræktunarbú ársins 2023

Höfundur: Elsa Albertsdóttir hrossaræktaráðunautur.

Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins.

Valið stóð á milli 31 bús sem náð höfðu athyglisverðum árangri á árinu. Tilnefnd eru 12 efstu bú ársins að loknum útreikningi. Reglur fagráðs um ræktunarbú ársins eru eftirfarandi:

Afmörkun á vali Elsa Albertsdóttir. ræktunar búa miðast þannig við að fyrst eru tilgreind öll hrossaræktarbú sem sýnt hafa fjögur eða fleiri hross í fullnaðardómi á árinu. Að auki verða minnst tvö að hafa náð aðaleinkunn 8,00 eða hærra. Þá eru einkunnir leiðréttar eftir aldri og kyni líkt og gert er við kynbótamatsútreikninga. Þetta gerir allar einkunnir samanburðarhæfar áður en búunum er svo raðað upp eftir leiðréttum einkunnum og fjöldra sýndra hrossa.

Búin sem komast í pottinn verða að ná fjórum hrossum að lágmarki með 8,00 í aðaleinkunn eftir leiðréttingu sem er þá önnur sía á gögnin. Meðaleinkunn er svo reiknuð miðað við leiðréttar aðaleinkunnir en þar er eingöngu horft til hrossa sem ná 8,00 í aðaleinkunn, enn fremur miðast fjöldi sýndra hrossa frá hverju búi við þau hross.

Þá reiknast afkvæmaverðlaunahross (stóðhestar og hryssur) til stiga fyrir sína ræktendur samkvæmt föstum reglum þar um.

Að lágmarki einn ræktandi sem stendur að hverju ræktunarbúi þarf að vera fullgildur félagi í BÍ og er þá miðað við félagatal 1. maí ár hvert. Ekki er gerður greinarmunur á að ræktandi sé persóna eða skráð kennitala fyrirtækis.

Tilnefnd bú munu hljóta viðurkenningu á ráðstefnunni Hrossarækt 2023 sem haldin verður í Fáki sunnudaginn 3. desember næstkomandi og byrjar kl. 13.00. Ræktunarbú ársins verður verðlaunað á þeim viðburði.

Tilnefnd bú eru eftirfarandi í stafrófsröð

Árbær, Vigdís Þórarinsdóttir, Maríanna Gunnarsdóttir, Guðmundur Bæringsson og fjölskyldur
Efri-Fitjar, Gréta Brimrún Karlsdóttir, Gunnar Þorgeirsson, Tryggvi Björnsson og fjölskylda
Fákshólar, Helga Una Björnsdóttir og Jakob Svavar Sigurðsson
Fet, Hrossaræktarbúið Fe
Haukagil á Hvítársíðu, Ágúst Þór Jónsson og Þóra Áslaug Magnúsdóttir
Ketilsstaðir/Syðri-Gegnishólar, Bergur Jónsson og Olil Amble
Lækjamót, Sonja Líndal Þórisdóttir, Friðrik Már Sigurðsson, Ísólfur Líndal Þórisson, Vigdís Gunnarsdóttir, Guðmar Hólm Ísólfsson Líndal, Þórir Ísólfsson og Elín Rannveig Líndal
Prestsbær, Inga og Ingar Jensen
Skipaskagi, Jón Árnason og Sigurveig Stefánsdóttir
Steinnes, Magnús Jósefsson, Líney Árnadóttir, Jón Árni Magnússon og Berglind Bjarnadóttir
Sumarliðabær, Birgir Már Ragnarsson og Silja Hrund Júlíusdóttir
Þúfur, Gísli Gíslason og Mette Mannseth