Sumarrós

Hér er heklaður sumarkjóll í boði Elínar Guðrúnardóttur hjá Handverkskúnst.

 

Stærð:

2-3 ára
 

Garn: 

Kartopu Basak, 1 dokka. 

Kartopu Baby Star, 2 dokkur.

Sjá söluaðila um land allt í auglýsingu hér til hliðar.

 

Heklunál: 

3,5 mm og 4 mm
 

Heklfesta:

18 ST x 11 umf = 10 x 10 sm heklað með Basak og 3,5 mm nál.
 

Skammstafanir: 

sl. = sleppa, L = lykkja, LL = loftlykkja, LL-BIL = loftlykkjubil, KL = keðjulykkja, FP = fastapinni, HST = hálfstuðull, ST = stuðull, TBST = tvíbrugðinn stuðull, [hornklofar] = texti innan hornklofa er heklaðir í sömu lykkjuna.

Kjóllinn er heklaður frá hálsmáli og niður. Berustykki er heklað fram og til baka, pils er heklað í hring. Nema annað sé tekið fram byrjar hver umferð á 3 LL sem teljast sem fyrsti ST umferðar. Þegar umferðir eru tengdar saman er það gert með KL í þriðju LL af þeim þrem sem heklaðar voru í byrjun. 

 

Berustykki: 

Fitjið upp 67 LL með Basak og 3,5 mm heklunál.

1. umf: Heklið 1 FP í aðra L frá nálinni, 1 FP í hverja L út umf. (66 FP)

2. umf: Heklið 3 LL, 1 ST í næstu 10 L (= hægra bakstykki), [1 ST, 2 LL, 1 ST] í næstu L (= útaukning), 1 ST í næstu 9 L (= ermi), [1 ST, 2 LL, 1 ST] í næstu L, 1 ST í næstu 22 L (= framstykki), [1 ST, 2 LL, 1 ST] í næstu L, 1 ST í næstu 9 L (= ermi), [1 ST, 2 LL, 1 ST] í næstu L, 1 ST í næstu 11 L (= vinstra bakstykki). (70 ST, 4 útaukningar/LL-bil)

3.-11. umf: Heklið 3 LL, 1 ST í hverja L, [1 ST, 2 LL, 1 ST] í LL-bil. 

Í lok 11. umferðar telur berustykkið 142 ST.

12. umf: Heklið 3 LL, 1 ST í næstu 20 L, 1 ST í LL-bil, 6 LL, sl. 29 L, 1 ST í næsta LL-bil, 1 ST í næstu 42 L, 1 ST í LL-bil, 6 LL, sl. 29 L, 1 ST í næstu LL-bil, 1 ST í næstu 21 L, lokið umf með KL. Snúið við. (88 ST)

Nú hefur berustykkið verið tengt saman, þó er haldið áfram að hekla fram og til baka.

11.-13.umf: Heklið 3 LL, 1 ST í hverja L út umf, einnig LL sem gerðar voru við ermaop, lokið umf með KL. Snúið við. (100 ST)

Slítið frá. Skiptið yfir í Baby Star og 4 mm heklunál.

 

Pils:

14. umf: Heklið 1 LL, 1 FP í hverja L út umf, lokið umf með KL í fyrsta FP. (100 FP)

15. umf: Heklið 1 LL, *1 FP í næstu L, 1 HST í næstu L, 1 ST í næstu 2 L, [1 TBST, 2 LL, 1 TBST] í næstu L, 1 ST í næstu 2 L, 1 HST í næstu L, 1 FP í næstu L, sl.1 L*, endurt frá * að * út umf, lokið með KL í fyrsta FP.

16-17. umf: Færið ykkur yfir í næstu L með KL, heklið 3 LL, 1 ST í næstu 3 L, [1 ST, 2 LL, 1 ST] í LL-bil, 1 ST í næstu 4 L, sl. 2 L, *1 ST í næstu 4 L, [1 ST, 2 LL, 1 ST] í LL-bil, 1 ST í næstu 4 L, sl. 2 L*, endurt frá * að * út umf, lokið umf með KL.

18. umf: Alveg eins og fyrri umf nema [2 ST, 2 LL, 2 ST] í hvert LL bil (= útaukning).

Umferðir 16-18 eru endurteknar 8 sinnum til viðbótar. 

19. umf: Heklið FP í allar lykkjur, 3 FP eru heklaðir í LL-bilið.

 

Frágangur:

Ermaop: Heklið FP í hverja L.

Hálsmál: Byrjað er neðst við op á baki í vinsta bakstykki, heklið FP upp meðfram opi, ca. 1 FP á hverja umf, heklið 3 FP í fyrstu L hálsmáls til að gera horn, 1 FP í hverja L í hálsmáli, 3 FP í síðustu L hálsmáls til að gera horn, FP meðfram opi aftur niður en inn á milli eru heklaðar 3-4 LL til að gera hnappagat Best er að festa tölur á vinstra bakstykki áður en klárað er að hekla niður hægra bakstykki

Gangið frá endum, þvoið kjólinn og leggið til þerris.

 

Góða skemmtun!

Elín Guðrúnardóttir

Handverkskúnst, www.garn.is