Stóraukin eftirspurn eftir mjólkurkvóta
– Jafnvægisverð hækkar
Á tilboðsmarkaði með greiðslumark mjólkur 1. september var eftirspurn eftir mjólkurkvóta tíföld á við framboðið.
Eftirspurnin nam 3.985.000 lítrum en framboðið 379.072 lítrum. Munurinn hefur aukist hratt á síðustu þremur mörkuðum. Verð hækkar Framboðið hefur dregist verulega saman. Í nóvember 2025 voru 866.812 lítrar boðnir til sölu og í apríl síðastliðnum 624.608 lítrar. Eftirspurnin nam 1.217.100 lítrum í nóvember en fór í 3.494.900 lítra á aprílmarkaðnum.
Jafnvægisverðið hefur einnig hækkað á síðustu mörkuðum. Það hélst óbreytt í 250 krónum á lítrann í eitt ár frá nóvember 2024 til nóvembermarkaðar í fyrra, en hækkaði í 260 krónur í apríl 2026 og er nú komið í 270 krónur á lítrann. Í nóvember 2023 var jafnvægisverðið 300 krónur á lítrann.
Alls 89 gild tilboð á markaðnum
Í gildi er ákvörðun ráðherra um að hámarksverð sé þrefalt afurða- stöðvaverð, sem við lok tilboðsfrests var 439 krónur á lítrann.
Atvinnuvegaráðuneytinu bárust 89 gild tilboð um kaup og gild sölutilboð voru sjö. Fjöldi kaup- tilboða undir jafnvægisverði var 17, en ekkert sölutilboð var yfir jafnvægisverði.
Seljendur með tilboð á jafnvægisverði eða lægra eru því sjö talsins og selja allt sitt magn.
Kaupendur með tilboð á jafnvægisverði eða hærra eru 72 talsins og fá 11% af umbeðnu magni. Af kauptilboðum eru sjö sem fá úthlutun úr forgangspotti nýliða.
