Stefnir á að verða rithöfundur
Þórunn býr í sveitasælu á Fljótshólum, á þrjá yngri bræður og stefnir á að verða rithöfundur.
Nafn: Þórunn Sturludóttir Schacht.
Aldur: Er 12 ára, verð 13 ára 11. desember.
Stjörnumerki: Bogamaður.
Búseta: Fljótshólar í Flóahreppi.
Skóli: Flóaskóli.
Hvað finnst þér skemmtilegast í skólanum? Íþróttir og náttúrufræði.
Hvert er uppáhaldsdýrið þitt? Úlfur. En ef það er húsdýr þá er það hundur.
Uppáhaldsmatur: Kjötsúpan sem amma gerir.
Uppáhaldshljómsveit: Ég á enga uppáhaldshljómsveit en pabbi minn spilar oft góð lög eftir Billy Idol eða Johnny Cash.
Uppáhaldskvikmynd: Einhver af Marvel myndunum.
Fyrsta minning þín? Þegar Stella, gamla tíkin okkar, átti hvolpa í fyrsta skipti og þeir hlupu út um allt á hlaðinu heima.
Æfir þú íþróttir eða spilarðu á hljóðfæri? Ég æfi dans og spila á píanó.
Hvað ætlar þú að verða þegar þú verður stór? Rithöfundur.
Hvað er það klikkaðasta sem þú hefur gert? Þegar við lögðum af stað á Sprengisand klukkan hálf sex um kvöldið og tjölduðum klukkan þrjú um nóttina í Kiðagili.
Hvað ætlarðu að gera skemmtilegt í sumar? Fara í fullt af útilegum og fjallaferðum með fjölskyldu og vinum.
Næst » Þórunn skorar á Viðar Hrafn Victorsson, Skyggnisholti í Flóahreppi, að svara næst.
