Sameining samþykkt
Höfundur: Magnús Hlynur Hreiðarson
Sameining Tálknafjarðarhrepps og Vesturbyggðar var samþykkt í íbúakosningu laugardaginn 28. október.
Íbúar í Tálknafjarðarhreppi samþykktu tillöguna með 96% atkvæða. 139 greiddu atkvæði með sameiningu en 5 greiddu atkvæði gegn sameiningu.
Auðir og ógildir atkvæðaseðlar voru 1. Kjörsókn var 78,1%. Íbúar í Vesturbyggð samþykktu tillöguna með 82% atkvæða. 364 greiddu atkvæði með sameiningu en 73 greiddu atkvæði gegn sameiningu.
Auðir og ógildir atkvæðaseðlar voru 4. Kjörsókn var 52,48%.
