Ofnsteiktur kjúklingur og ætiþistlar
Nú eftir vegan-janúar og fiskbúar (fólk finnur upp á ýmsum nöfnum til að auka neyslu á grænmeti og fiski) er gott að byrja rólega að auka skammt grænmetis og prófa nýtt grænmeti svo lífið verði ekki leiðigjarnt. Grænmetismarkaðir hafa byrjað og fólk fær sent grænmeti í kassa og þá kemur alls konar grænmeti upp, en líka er hægt að nota frosið eða grænmeti úr krukku.
Ef þið finnið ekki ætiþistla skulið þið nota eitthvað annað í staðinn eins og rófur eða næpu og elda þá grænmetið aðeins lengur, bara þar til það er meyrt.
Ofnsteiktar kjúklingabringur
Hráefni
- 5 lítrar vatn, skipt
- 1/3 bolli salt
- 6 beinlausar kjúklingabringur
- ¼ bolli ferskur sítrónusafi
- 18 ætiþistlar, steinseljurót eða
íslenskar rófur - 2 msk. ólífuolía, skipt
- ¼ teskeið nýmalaður svartur pipar
- 1 msk. olía
- 1 bolli þurrt hvítvín
- 1bolli kjúklingasoð úr fernu eða vatn og kraftur
- 1½ sneið af brauði
- 2 msk. söxuð steinselja
Aðferð
Blandið þremur lítrum af vatni og salti saman í ílát, hrærið þar til saltið leysist upp. Bætið kjúklingi við saltblönduna. Lokið og kælið í tvær klukkustundir.
Blandið saman tveimur lítrum af vatni og sítrónusafa. Skerið stilkinn af hverjum ætiþistli. Fjarlægið botnblöðin og sterku ytri blöðin og skerið hvert þistilhjarta í tvennt eftir endilöngu; setjið í sítrónuvatn.
Hitið eina msk. ólífuolíu í stórri pönnu við meðalháan hita. Sigtið ætiþistlana úr vatninu. Setjið ætiþistla á pönnuna. Lokið og eldið í 10 mínútur eða þar til þeir eru meyrir. Takið lokið af og eldið í fimm mínútur til viðbótar eða þar til það er orðið brúnt, hrærið oft í. Haldið heitu.
Hitið ofninn í 225 gráður.
Takið kjúkling úr saltblöndunni og hendið saltblöndunni. Þerrið kjúklinginn, stráið pipar jafnt yfir.
Hitið olíu í stórri ofnfastri pönnu við meðalháan hita. Bætið kjúklingi á pönnuna, kjöthliðina niður; léttsteikið í eina mínútu. Bakið við 225 gráður í 10 mínútur. Snúið kjúklingi við; bakið í 12 mínútur til viðbótar eða þar til bringurnar eru tilbúnar. Haldið heitu.
Látið safann dreypa aftur á pönnuna og bætið hvítvíni við og látið sjóða, skafið pönnuna til að losa steikarskánina. Lækkið hitann og látið malla þar til safinn er orðinn að einum bolla (um það bil 5 mínútur). Bætið soði við pönnuna; látið malla þar til það er minnkað í einn og hálfan bolla (um það bil 10 mínútur).
Lækkið hitann á ofninum í 150 gráður. Setjið brauð í matvinnsluvél. Blandið saman einni matskeið af ólífuolíu og brauðmylsnu í skál, blandið saman á bökunarplötu; bakað við 150 gráður í fimm mínútur eða þar til brauðið er gyllt. Bætið steinselju við og berið kjúkling fram með ætiþistlum og sósu. Með brauðmylsnu og meira af góðu grænmeti.
Ristað grasker með rótargrænmeti
- 1 stk. lítið ferskt grasker, skræld og skorið í bita
- 1 stk. sellerírót , skræld og skorin í í bita
- 1stk. laukur, saxaður
- 1 sæt kartafla, skorin tvennt
- 3 msk. ólífuolía
- 2 msk. balsamik edik
- 2 msk. hunang
- 1 msk. saxaður hvítlaukur eða meira eftir smekk
- 2 tsk. malaður svartur pipar
- 1 tsk. malað indverskt garam masala krydd
- ½ tsk. sjávarsalt
Aðferð
Hitið ofninn í 190 gráður.
Á bökunarplötu með ögn af fitu (svo festist ekki við) eða á smjörpappír, skuluð þið blanda saman graskeri og rótargrænmeti ásamt lauk.
Þeytið ólífuolíu, balsamic ediki, hunangi, hvítlauk, pipar og indversku garam masala, og sjávarsalti saman í litla skál, hellið yfir grænmetisblönduna og blandið saman. Dreifið á tilbúna bökunarplötuna í einu lagi.
Bakið í forhituðum ofni þar til allt grænmeti er meyrt, um það bil 35 mínútur.
Fljótlegt Tiramisu
- 35 g flórsykur
- 225 g mascarpone ostur
- 1 stöng vanilla eða duft , eða 1 tsk. vanilluþykkni
- 4 msk. kaffilíkjör eða gott eftirréttavín
- 170 ml rjómi
- 4 lady finger eða þurrar kexkökur
- 225 ml kalt sterkt kaffi
- Rifið súkkulaði, til að skreyta
Aðferð
Sigtið flórsykurinn í mascarpone. Ef þú notar vanillufræ, skafa fræin út. Bætið vanillufræjum (eða vanilluþykkni) og vín út í mascarpone og blandið vel saman.
Þeytið rjómann í sér skál þar til hann er léttþéttur.
Blandið rjómanum og mascarpone saman og kælið í kæli ef mögulegt er.
Brjótið ladyfinger í tvennt og dýfið þeim mjög stutt í kalda kaffið. Skiptið þeim í botninn á glösunum og setjið yfir mascarpone blönduna.
Rífið smá súkkulaði ofan á áður en það er borið fram. Eða kakóduft.
