Nýir starfsmenn hjá Bændasamtökunum

Tveir nýir starfsmenn hafa verið ráðnir til Bændasamtakanna, annars vegar Guðrún Björg Egilsdóttir, sérfræðingur á sviði búgreinadeildar, sem hefur hafið störf og hins vegar Valur Klemensson, sérfræðingur í umhverfismálum, sem mun hefja störf í febrúar.

Guðrún Björg Egilsdóttir mun sinna nautgriparæktinni á sviði búgreinadeildar. Guðrún Björg lauk nýverið meistaranámi í búvísindum við Landbúnaðarháskóla Íslands en áður bakkalárgráðu í líffræði við Háskóla Íslands. Hún er fædd og uppalin á Daufá í Skagafirði en þar er stundaður kúabúskapur, þekkir hún því búgreinina vel.

Valur Klemensson kemur inn sem nýr sérfræðingur í umhverfismálum. Hann er með B.Sc. gráðu frá Landbúnaðarháskóla Íslands í Umhverfisskipulagi og mastersgráðu frá Tækniháskólanum í München í Sjálfbærri auðlindanýtingu.