Norska stórþingið fellir tillögu um að athuga aðild að ESB
Tæplega 79% þingmanna norska stórþinginu greiddu í liðinni viku atkvæði gegn þingsályktunartillögu þingmanna Venstre um að ríkis- stjórn Noregs léti kanna möguleika á aðild ríkisins að Evrópusambandinu.
Tillagan var felld með 78 atkvæðum gegn 21 en 70 þingmenn tóku ekki þátt í atkvæðagreiðslunni.
Tillögur um að auka tengsl Noregs við Evrópusambandið voru einnig felldar, þar á meðal tillaga um að hefja viðræður við ESB um nánara samstarf á sviði sameiginlegrar öryggis- og varnarstefnu.
Tillögur um að Noregur félli undir ákvæði Lissabon-sáttmálans um sam- eiginlegar varnir og að Noregur sækti um aðild að tollabandalagi Evrópu- sambandsins voru einnig felldar.
Þessar tillögur voru felldar með 91 atkvæði gegn sjö. Venstre er fylgjandi aðild Noregs að Evrópusambandinu eins og Hægriflokkurinn og Umhverfis- flokkurinn en aðrir flokkar Stórþingsins eru andvígir.
Verkamannaflokkurinn, sem leiðir núverandi minnihlutastjórn, hefur þó ekki tekið skýra afstöðu með eða á móti inngöngu.
Tvívegis hafa Norðmenn hafnað aðild að ESB í þjóðaratkvæðisgreiðslu árin 1972 og 1994.
