Nautgripabændur velja nýjan formann
Rafn Bergsson, formaður deildar nautgripabænda hjá Bænda- samtökum Íslands, býður sig ekki fram til áframhaldandi formennsku.
Rafn er kúabóndi á Stóru-Hildisey 1 í Landeyjum. Hann hefur gegnt embætti formanns deildar nautgripabænda í þrjú ár, en ferill hans í félagsmálum bænda hófst þegar hann var formaur Félags kúabænda á Suðurlandi. „Ég kom svo inn í stjórn Landssambands kúabænda 2018 og tók svo sæti í stjórn deildar nautgripabænda við sameiningu Bændasamtakanna og breytingar á félagskerfinu.“ Enn fremur er hann í sveitarstjórn Rangárþings eystra og reiknar með að gefa kost á sér áfram í vor.
Aðspurður hvað standi upp úr í starfi deildar nautgripabænda á meðan hann hefur gegnt formennsku nefnir Rafn innleiðingu á kyngreiningu á nautasæði og nýjan verðlagsgrunn mjólkur. „Svo erum við alltaf og eilíft í undirbúningsvinnu í tengslum við nýja búvörusamninga.“ Hann segir að drjúg vinna fylgi því að vera formaður deildar nautgripabænda, þó svo a a sé auvitað afstætt. „Stjórnin fundar hálfsmánaðarlega, en svo fylgir þessu að sitja í verðlagsnefnd og ýmsum hópum, þannig að það er töluvert umstang í kringum þetta,“ segir Rafn. Kosið verður um nýjan formann búgreinadeildar nautgripabænda 24. mars.
