Meira kántrí í Hlöðunni

Annar þáttur af Sveitahljómi, í umsjón Drífu Viðarsdóttur og Erlu Gunnarsdóttur er nú kominn í loftið í Hlöðunni, hlaðvarpi Bændablaðsins. Þátturinn er stútfullur af góðmeti úr heimi kántrítónlistar og að þessu sinni fá þær stöllur til sín Jóhann Örn Ólafsson, dansara í stúdíó, þar sem hann segir frá því á skemmtilegan hátt hvernig hann kynntist línudansi fyrst fyrir hátt í 30 árum í gegnum Kanann uppi á Keflavíkurflugvelli og hefur hann kennt þetta listform allar götur síðar við góðar undirtektir. Jóhann fer yfir ferilinn, ljóstrar upp um uppáhalds kántrílistamenn sína og segir frá ævintýraför sem hann fór á árum áður til Kína til að kenna línudans. Þar að auki fjalla Drífa og Erla um vinsælustu ástarlög innan kántrítónlistar og gefa hlustendum nokkur tóndæmi.

Hægt er að nálgast þáttinn hér