Ljúfa Lísa

Ég prjónaði svona kjól á Maíu Sigrúnu ömmuskottu á síðasta ári og vakti kjóllinn mikla lukku hjá dömunni.  

 

Cotton Merino garnið er blanda af merino ull og bómull. Garnið er létt í sér, mjúkt og virkilega gott að vinna með, svo má það fara beint í þvottavélina.

 

Prjónakveðja

Guðrún María hjá 

Handverkskúnst.

 

Stærð: 

1/3 - 6/9 - 12/18 mán (2 - 3/4 - 5/6 ára)

Stærð í cm: 56/62 - 68/74 - 80/86 - 92 - 98/104 - 110/116.

 

Efni : DROPS COTTON MERINO fæst hjá Handverkskúnst

150-150-150 (200-200-250) gr litur nr 06, rauður

 

HRINGPRJÓNAR (80 og 40 cm) NR 3,5 – eða þá stærð sem þarf til að 22 l og 30 umf með sléttprjóni verði 10 x 10 cm.

 

HRINGPRJÓNAR (80 cm) NR 3 – fyrir stroff

GARÐAPRJÓN (prjónað í hring): *1 umf sl og 1 umf br *, endurtakið frá *-*.

GARÐAPRJÓN (prjónað fram og til baka): Lykkjurnar prjónast slétt í öllum umf.

 

MYNSTUR:

Sjá teikningu A.1, A.2 eða A.3. Teikning sýnir allar umf í mynstri séð frá réttu. Sjá teikningu fyrir óskaða stærð:

 

STÆRÐ 1/3 og 6/9 mán: Prjónið A.1

STÆRÐ 12/18 mán og 2 ára: Prjónið A.2

STÆRÐ 3/4 og 5/6 ára: Prjónið A.3

 

ÚRTAKA:

Fellið af á eftir 1.-2.-4. og 5. prjónamerki þannig: Takið 1 l óprjónaða eins og prjóna eigi hana sl, 1 l sl, steypið óprjónuðu l yfir. 

 

Fellið af á undan 3.-4.-6. og 1. prjónamerki þannig: Byrjið 2 l á undan prjónamerki og prjónið 2 l slétt saman.

 

ÚRTAKA-2:

Öll úrtaka er gerð frá réttu!

 

Fellið af á eftir 4 kantlykkjum með garðaprjóni þannig: Takið 1 l óprjónaða eins og prjóna eigi hana sl, 1 l sl, steypið óprjónuðu l yfir.

 

Fellið af á undan 4 kantlykkjum með garðaprjóni þannig: Byrjið 2 l á undan 4 kantlykkjum og prjónið 2 l slétt saman.

 

KJÓLL:

Stykkið er prjónað í hring á hringprjóna neðan frá og upp.

 

Fitjið upp 152-160-176 (188-204-212) l á hringprjóna nr 3,5 með Cotton Merino. Prjónið 6 umf GARÐAPRJÓN prjónað í hring – sjá skýringu að ofan. Setjið síðan 6 prjónamerki í stykkið þannig: 1. Prjónamerki er sett í byrjun umf (= hlið), 2. Prjónamerki er sett eftir 23-25-27 (29-31-33) l, 3.

Prjónamerki er sett eftir 30-30-34 (36-40-40) l, 4. Prjónamerki er sett eftir 23-25-27 (29-31-33) l (= hlið), 5. Prjónamerki er sett eftir 23-25-27 (29-31-33) l, 6. Prjónamerki er sett eftir 30-30-34 (36-40-40) l (nú eru 23-25-27 (29-31-33) l eftir í umf eftir síðasta prjónamerki. Prjónið sléttprjón hringinn og látið prjónamerkin fylgja með í stykkinu.

 

ATHUGIÐ PRJÓNFESTUNA!

 

Þegar stykkið mælist 4 cm er fækkað um1 l hvoru megin við 1. og 4. prjónamerki, fellið af 1 l á eftir 2. og 5. prjónamerki og 1 l á undan 3. og 6. prjónamerki – LESIÐ ÚRTAKA (= 8 l færri). Endurtakið úrtöku með 2½-3-3 (3-3-3½) cm millibili alls 7-7-8 (8-9-9) sinnum = 96-104-112 (124-132-140) l. Haldið áfram með sléttprjón þar til stykkið mælist 19-22-25 (25-28-32) cm. Skiptið yfir á hringprjóna nr 3, prjónið síðan stroff hringinn þannig: 1 l sl, * 2 l br, 2 l sl *, endurtakið frá *-* þar til 3 l eru eftir í umf, endið á 2 l br og 1 l sl. Þegar stroffið mælist 1½-1½-1½-2-2-2 cm prjónið gatakant þannig: 1 l sl, * 2 l br saman, sláið uppá prjóninn, 2 l sl *, endurtakið frá *-* þar til 3 l eru eftir í umf, endið á 2 l br saman, sláið uppá prjóninn og 1 l sl. Prjónið síðan áfram þar til 1 umf er eftir að þar til stroffið mælist 3-3-3-4-4-4 cm.

 

Næsta umf er prjónuð þannig: Prjónið stroff eins og áður yfir fyrstu 48-52-56 (62-66-70) l (= framstykki), fellið af næstu 48-52-56 (62-66-70) l LAUST af með sl yfir sl og br yfir br (= bakstykki).

 

FRAMSTYKKI:

Setjið 1 prjónamerki – HÉÐAN ER NÚ MÆLT!

 

Skiptið yfir á hringprjóna nr 3,5 og prjónið fyrstu umf frá réttu þannig: 4 kantlykkjur með GARÐAPRJÓN – sjá skýringu að ofan, 12-14-15 (18-19-21) l sléttprjón, prjónið mynstur eftir A.1, A.2 EÐA A.3 (Sjá teikningu fyrir þína stærð = 16-16-18 (18-20-20) l), 12-14-15 (18-19-21) l sléttprjón og 4 kantlykkjur með GARÐAPRJÓN. Haldið svona áfram með mynstur fram og til baka, JAFNFRAMT eftir 1 cm er fækkað um 1 l á hvorri hlið – LESIÐ ÚRTAKA-2. Endurtakið úrtöku í hvorri hlið með 1-1-1½ (1½-1½-1½) cm millibili alls 9-9-9 (10-10-10) sinnum = 30-34-38 (42-46-50) l eftir á prjóni. Þegar stykkið mælist 11-12-13 (15-16-17) cm frá prjónamerki – passið uppá að næsta umf sé prjónuð frá réttu, prjónið 6 umf garðaprjón fram og til baka yfir allar l. Næsta umf er prjónuð frá réttu þannig: Prjónið 8 l sl og setjið þessar l á 1 band fyrir axlaband, fellið af næstu 14-18-22 (26-30-34) l og prjónið sl yfir síðustu 8 l (= axlaband).

 

AXLABAND:

Haldið áfram með garðaprjón fram og til baka þar til bandið mælist ca 18-25 c (eða að óskaðri lengd). Fellið af og endurtakið á hinni hliðinni. Saumið bandið niður að stroffi á kjól.

 

SNÚRA: 

Klippið 2 þræði af Cotton Merino ca 3 metra. Tvinnið þá saman þar til þeir taka í, leggið snúruna saman tvöfalda þá kemur hún til með að tvinna sig aftur saman. Hnýtið hnút á hvorn enda. Byrjið við miðju að framan og þræðið snúruna upp og niður í gegnum gataumferð á stroffi við mitti.