Landsmót 2016 á Hólum í Hjaltadal

Stjórn Landssambands hestamannafélaga samþykkti samhljóða á fundi sínum í gær að Landsmót 2016 verði haldið að Hólum í Hjaltadal.

Með þessu er komið á móts við beiðni hestamannafélagsins Gullhyls sem verður 50 ára árið 2016. Áður hafði staðið til að mótið yrði á Vindheimamelum.

Talsverðar deilur voru um staðsetningu mótsins fyrr á árinu sem enduðu með því að formaður Landsambands hestamanna sagði af sér og nýstjórn var kjörin.