Keppnin um Gullklippurnar á KEX Hostel um helgina

Endurtaka á leikinn frá því í fyrra og halda veglega rúningskeppni um helgina, laugardaginn 28. mars kl. 14 í portinu á KEX Hostel í Reykjavík. Á keppninni munu þaulvanir rúningsmenn sýna sitt besta verklag og keppa um hinar rómuðu gullklippur sem er verðlaunagripur keppninnar. Sú nýbreytni verður að þessu sinni að viðurkenndur dómari frá Skotlandi, Gavin Stevens, kemur og dæmir rúninginn en jafnframt mun hann sýna eigin aðferðir með handklippum. 

 

Þetta verður því sannkölluð fjölskylduskemmtun á laugardaginn á KEX Hostel og allir velkomnir að koma og hvetja keppendur áfram.