Jólahúfa
Ein stærð
Efni: 50 g hvítur þrefaldur Þingborgarlopi og 50 g Slettuskjótt, skærrautt, sem er litaður tvöfaldur Þingborgarlopi.
Áhöld: 40 eða 50 sm hringprjónar 4.5 mm og 6 mm.
Húfan: Fitjið upp með hvíta lopanum 68 lykkjur á 4,5 mm prjóninn. Prjónið stroff 2 sléttar og 2 brugðnar 10-12 sm. Þegar stroff er hálfnað prjónið eina umferð slétta fyrir uppábrotið á húfunni.
Skiptið yfir á 6 mm prjóninn og prjónið tvær umferðir með rauða litnum. Aukið um 2 l í seinni umferðinni jafnt yfir prjóninn.
Þá er prjónað áfram. Takið fimmtu hverja lykkju óprjónaða tvær umferðir í röð og prjónið þær í þeirri þriðju.
Endurtakið þetta 6 sinnum. Þá ættu að vera komnar u.þ.b. 25 umferðir. Þá byrjar úrtaka.
Takið úr á öðrum hverjum stað þar sem lykkjur eru teknar óprjónaðar.
*Takið yfir á hægri prjóninn tvær lykkjur í einu óprjónaðar, prjónið eina lykkju og steypið þeim óprjónuðu yfir báðum í einu, þannig verður miðjulykkjan ofaná*
Endurtakið umferðina á enda. Hættið að taka óprjónaða lykkjur á þessum stað eftir fyrstu úrtöku en haldið áfram með hinar húfuna á enda. Prjónð 10 umferðir án úrtöku og endurtakið hana síðan, en tekið er úr alls fjórum sinnum á þennan hátt.
Þá ættu að vera 15 lykkjur eftir á prjóninum, slítið frá og notið nál til að þræða í lykkjurnar og gangið vel frá endanum. Búið til dúsk að vild.
Hægt er að hafa húfuna dýpri ef vill, þá þarf að eiga meiri lopa. Eins er hægt að stækka hana á þverveginn, þá þarf að bæta við minnst fjórum lykkjum á stroff og fimm á hinn hlutann.
