Íslenskur keppandi á Ólympíuleikum ungkokka

Dagana 28. janúar til 2. febrúar fara fram Ólympíuleikar ungkokka á Indlandi og á Ísland keppanda þar, Anton Elí Ingason frá Akranesi.

Alls taka 32 þjóðir þátt í keppninni hvaðanæva frá í heiminum. Síðast þegar Ísland keppti á þessu móti hreppti Ísland 6. sætið. Til mikils er að vinna, því verðlaunafé fyrir sigur í þessari sterku keppni er 1,2 milljónir.

Keppnin fer fram í 6 borgum víðsvegar um Indland og mun Ísland keppa í Deli, Goa og Kolkata.

Anton hefur verið aðstoðarmaður í Bocus d'Or þegar Bjarni Siguróli keppti fyrir Íslands hönd. Einnig hefur Anton starfað á sumum af bestu veitingahúsum Íslands eins og Nostra.

Anton hefur æft stíft fyrir keppnina í Menntaskóla Kópavogs undanfarnar vikur. Í æfingunum skiptir tímasetning öllu, segir Anton, því keppendum er einungis úthlutað einum og hálfum tíma í verkefnin á hverjum keppnisdegi. Verkefnin eru mjög margbreytileg; allt frá úrbeiningu á kjúklingi og elda aðalrétt úr honum yfir í bakstur á perueftirrétti eða grænmetisrétti úr framandi hráefni.

Aðspurður segir Anton að hann hlakki mest til að vinna með allt það framandi hráefni sem verður skaffað, margt nýtt sem hann hefur ekki unnið með áður.

Þjálfarinn hans í keppninni er Hinrik Carl Ellertsson, sem var rekstarstjóri á Dill restaurant auk þess að starfa í dag sem kennari við Menntaskólann í Kópavogi. ,,Ég hef mikla trú á drengnum, hann hefur staðið sig vel í undirbúningi og er mikil tilhlökkun í hópnum, 

Styrktaraðilar þátttökunnar eru:

• Matarauður Íslands
• Menntaskólinn í Kópavogi
• Matvís
• Iðan fræðslusetur
• Iðnaðarmannafélag Reykjavíkur
• Fastus
• Bananar

Meira er hægt að lesa um keppnina í gegnum vef keppninnar og samfélagsmiðla:

Website: http://ycolympiad.com
Facebook:  https://www.facebook.com/ycolympiad
Twitter: @ycolympiad
Instagram : yc_olympiad