Íslenskir tómatar eru frábærir

Höfundur: Bjarni Gunnar Kristinsson

Íslensku tómatarnir eru frábærir og oft marglitir í ýmsum stærðum, mikið hefur aukist úrvalið af íslenskum tómötum og gætum við tekið Ítali okkur til fyrirmyndar að setja aðeins fullþroskaða tómata á markað, sem eru rauðir innan sem utan.

Svo má leika sér með sósur og sultur þegar þeir eru of linir og of þroskaðir fyrir skurð.

Tómatsalsa eða góð pitsusósa

12 stk. þroskaðir tómatar
1 chili, sneiddur og fræhreinsaður
1-2 msk. flögusalt
edik (5 prósent) af heildarþyngd
100-200 g sykur
1/2 tsk. pipar (cayenne)
2 tsk. paprikuduft
2 tsk. sinnepsduft
1/2 msk. heil piparkorn
1 tsk. sinnepsfræ
1 stk. lárviðarlauf

Dýfið tómötunum í sjóðandi vatn í 30 til 60 sekúndur, eða þangað til skinnið fer að flagna af.

Dýfið í kalt vatn, takið skinnið af. Skerið í bita og bætið við chili og paprikudufti. Látið suðuna koma upp og látið malla í 20 mínútur með loki. Sameinið restina af hráefni í kryddpoka eða tesíu, bætið við ediki og látið sjóða í sér potti. Lækkið niður hitann og eldið í 20 mínútur.

Fjarlægið kryddpoka og blandið saman edikblöndu og tómatmauki. Bætið við sykri og salti, látið sjóða við vægan þar til blandan hefur þykknað örlítið. Hægt er að setja maukið heitt í hreinar krukkur fyrir góðan geymslutíma í kæli.

Þetta fullkomin pastasósa með ögn af capers og parmesanosti og góð á pitsu.

Tómata- og mozzarella Caprese-salat á pitsu

8 sneiðar af fullþroskuðum tómötum
2 matskeiðar balsamic-edik
8 miðlungs lauf af ferskri basiliku
12 sneiðar ferskur mozzarellaostur
Smá þurrkað oregano
flögusalt
ferskur malaður pipar
2 matskeiðar jómfrúarolífuolía

Raðið sneiddum tómötum á fat og setjið eitt basilikulauf ofan á hverja tómatsneið.

Setjið eina sneið af mozzarella ofan á hvert basiliku lauf svo það myndist lög.

Stráið smá oregano, salti og ferskum möluðum pipar, og úðið yfir með jómfrúarólífuolía. Endið með smá balsamic-ediki.

Forbakið pitsudeigið, penslið með ólífuolíu, raðið tómötunum og bakið örstutt undir grilli.

Tómat-salat á bökuðu brauði

4 hvítlauksrif
1 handfylli steinselja, lauslega söxuð
1 handfylli ferskur kóríander, lauslega saxaður
½ knippi fersk basilika, lauslega söxuð
1 bolli þroskaðir tómatar, fræhreins- aðir og hakkað gróft
2 tsk tómatmauk (pure) 10 matskeiðar jómfrúar ólífuolía
3 matskeiðar hrísgrjón edik (eða annað edik)
2 tsk. salt
½ tsk. nýmalaður svartur pipar
¼ tsk. tabasco-sósa

Tómatasamloka

Blandið saman hvítlauk, steinselju, kóríander, basiliku, tómat og tómatmauki í matvinnsluvél eða mortéli. Bætið við olíu og ediki og blandið í 1-2 mínútur, þar til sósa er mjög slétt. Bæta tabasco við ef fólk vill og smakkið til með salti og pipar. Sósa getur verið í kæli í nokkra daga.

Svo er raðað lagskipt tómötum basiliku og ristuðu brauði.

Skylt efni: íslenskir tómatar