Hrossabóndi eða hundatemjari

Erla er mikill dýravinur og náttúrubarn. Henni finnst gaman í fjárhúsunum með pabba sínum og vera á hestbaki með vinum. Hún er svo heppin að hafa getað verið aðstoðarmanneskja í hestaleigu hjá Active North síðastliðin tvö sumur. 

 

Nafn: Erla Bernharðsdóttir.

Aldur: 12 ára.

Stjörnumerki: Ljón.

Búseta: Ærlækjarsel í Öxarfirði.

Skóli: Öxarfjarðarskóli.

Hvað finnst þér skemmtilegast í skólanum? Íþróttir og myndmennt.

Hvert er uppáhaldsdýrið þitt? Hestur og hundur.

Uppáhaldsmatur: Pitsa.

Uppáhaldshljómsveit: Metallica og fleiri.

Uppáhaldskvikmynd: Veit ekki.

Fyrsta minning þín? Þegar ég var 3 ára og stalst inn í búr og flysjaði allar mandarínurnar.

Æfir þú íþróttir eða spilarðu á hljóðfæri? Ég æfi á gítar og bassa.

Hvað ætlar þú að verða þegar þú verður stór? Hrossabóndi eða hundatemjari.

Hvað er það klikkaðasta sem þú hefur gert? Fór ein (ekki með neinum úr fjölskyldunni) til New York, þegar ég var 9 ára.

Gerðir þú eitthvað skemmtilegt í sumar? Ég fór í nokkurra daga  hestaferð með fjölskyldu og vinum.

 

Næst » Erla skorar á Þorstein Sveinsson á Ærlæk í Öxarfirði að taka næst þátt.