Hótel- og matvælaskólinn fagnaði 30 ára afmæli
Höfundur: Katrín Lilja Jónsdóttir
Síðastliðinn laugardag, 5. september, fagnaði Hótel- og matvælaskólinn í MK 30 ára afmæli. Haraldur J. Sæmundsson, framkvæmdastjóri skólans, segir að aðsóknin hafi farið fram úr björtustu væntingum.
Hátíðahöldin stóðu frá 11 til 16 og segir Haraldur að grillaðar hafi verið tæplega 1000 pylsur, 800 kleinuhringir seldust upp og allt seldist úr kjötbúðinni. Haldið var matreiðslunámskeið þar sem undirstaðan í kimchi-gerð var kennd ásamt fleiri viðburðum
Keppt var í kleinuhringjagerð, gúrkuskurði og haldin var undankeppni í Artic Young Chef, en keppnin verður haldin í MK á næsta ári. Þar mætast ungir og efnilegir kokkar frá Íslandi, Færeyjum, Noregi og Grænlandi.
Myndir tók Rúnar Hreinsson.
