Háskóladagurinn á fjórum stöðum
Höfundur: Magnús Hlynur Hreiðarsson
Háskóladagurinn verður haldinn í Reykjavík laugardaginn 2. mars.Þá gefst fólki kjörið færi á að kynna sér allt það fjölbreytta nám sem er í boði í háskólum landsins.
Dagurinn er sameiginlegur vettvangur allra háskólanna þar sem nemendur, kennarar, vísindafólk og námsráðgjafar bera hitann og þungann af kynningum á náminu. Háskóladagurinn verður líka haldinn hátíðlegur á Egilsstöðum fimmtudaginn 7. mars, á Akureyri föstudaginn 8. mars og á Ísafirði miðvikudaginn 13. mars.
Allar nánari upplýsingar um daginn er að finna á heimasíðu dagsins, www.haskoladagurinn.is.
