Fyrsti spretturinn á nýjum reiðvelli á Hólum
Höfundur: Tjörvi Bjarnason
Landsmót hestamanna ehf. býður alla velkomna heim að Hólum á laugardaginn 26. sept. þegar réttarstörfum í Laufskálarétt lýkur. Hægt er að koma við hvenær sem er til að skoða þær framkvæmdir sem hafa verið í gangi en formleg dagskrá hefst kl. 16:00 með stuttum ávörpum. Að þeim loknum verður fyrsti spretturinn farinn á nýja vellinum og farið í skoðunarferð um svæðið. Lifandi tónlist og rjúkandi kjötsúpa verður í boði að hætti skagfirskra hestamanna.
