Fór á kajak

Tara Kristín er 11 ára fótboltastelpa sem fæddist á Ísafirði í maí árið 2009. Tara Kristín bjó á Patreksfirði fyrstu 7 árin en hefur síðan búið á Bifröst, í Kaup­mannahöfn og er nú nýflutt til Reykjavíkur.

Tara Kristín er listræn og hefur gaman af því að teikna og mála og eru ófá verkin eftir hana á heimilinu. Hún er elst fjögurra systkina sem getur stundum tekið á en að hennar sögn er það nú samt oftast gaman.

Nafn: Tara Kristín Aronsdóttir.

Aldur: 11 ára.

Stjörnumerki: Naut.

Búseta: Reykjavík.

Skóli: Háteigsskóli.

Hvað finnst þér skemmtilegast í skólanum? Íþróttir, sund og frímínútur.

Hvert er uppáhaldsdýrið þitt? Köttur.

Uppáhaldsmatur: Grjónagrautur.

Uppáhaldshljómsveit: Hatari.

Uppáhaldskvikmynd: Mean Girls.

Fyrsta minning þín? Þegar við fjölskyldan og amma Stína gistum á Laxárbakka á meðan við biðum eftir því að Emil Tindri, yngri bróðir minn, fæddist.

Æfir þú íþróttir eða spilarðu á hljóð­færi? Ég æfi fótbolta og spilaði einu sinni á píanó.

Hvað ætlar þú að verða þegar þú verður stór? Ég ætla að vinna í fatabúð þegar ég verð stór.

Hvað er það klikkaðasta sem þú hefur gert? Það er að fara í stærstu vatnsrennibrautina í Lalandia í Danmörku.

Gerðir þú eitthvað skemmtilegt í sumar? Ég er búin að gera margt skemmtilegt. Ég fór vestur á Patró en þar fór ég til dæmis á kajak, í sund og fékk síðan að vera ein hjá Diddu frænku í nokkra daga.

Næst » Ég skora á vin minn, Guðna Geir, að svara næst.