Ég fermdist og fór til Færeyja

Ásta Þorbjörg man eftir gamla ofninum þegar hún var eins árs. Hún vonast til að verða fugla- eða náttúrufræðingur. 

Nafn: Ásta Þorbjörg Ingólfsdóttir.

Aldur: 14 ára.

Stjörnumerki: Fiskarnir.

Búseta: Móðir jörð.

Skóli: Finnbogastaðaskóli.

Hvað finnst þér skemmtilegast í skólanum? Myndmennt.

Hvert er uppáhaldsdýrið þitt? Mörgæs.

Uppáhaldsmatur: Tortilla.

Uppáhaldshljómsveit: The Wanted eða One Direction.

Uppáhaldskvikmynd: Mr.Poppers penguins eða Shaun of the dead.

Fyrsta minning þín? Ég man í rauninni ekkert eftir neinu þegar ég var barn en ég man eftir gamla ofninum sem við áttum þegar ég var eins árs.

Æfir þú íþróttir eða spilarðu á hljóðfæri? Já ég æfi frjálsar og ég var að byrja að æfa á hljóðfæri.

Hvað ætlar þú að verða þegar þú verður stór? Vonandi fugla- eða náttúrufræðingur.

Hvað er það klikkaðasta sem þú hefur gert? Fyrir tveimur árum fórum ég og vinir mínir að renna okkur á sleða niður ísilagða brekku. Ég fór fyrst og ég held ég hafi dáið í 10 sekúndur þegar ég var komin niður. Það voru svo miklar holur og margir stökkpallar í brekkunni að ég fór í arabastökk og vann örugglega heimsmeistaratitil í loftsnúningum. Það fyndna var reyndar að ég meiddi mig ekki neitt.

Hvað er það leiðinlegasta sem þú hefur gert? Tekið til í herberginu mínu.

Gerðir þú eitthvað skemmtilegt í sumar?  Já ég fermdist og ég fór með foreldrum mínum til Færeyja.