Dugleg ballerína sem ætlar að verða hestastelpa
Þórey María er dugleg ballerína sem var að byrja í 5 ára bekk í Ísaksskóla. Hún er mikil hestastelpa og á einn hest. Henni finnst rosalega gaman að föndra og tína falleg blóm.
Nafn: Þórey María Einarsdóttir.
Aldur: 4 ára, alveg að verða 5 ára.
Stjörnumerki: Sporðdreki.
Búseta: Kópavogur.
Skóli: Ísaksskóli, 5 ára bekkur.
Hvað finnst þér skemmtilegast í skólanum? Leikfimi, perla með litlum perlum og föndra.
Hvert er uppáhaldsdýrið þitt? Kanína og merin mín sem heitir Sjöbba.
Uppáhaldsmatur: Grjónagrautur.
Uppáhaldshljómsveit: Emmsjé Gauti.
Uppáhaldskvikmynd: Lína Langsokkur.
Fyrsta minning þín? Þegar stóri bróðir minn var að leika við mig.
Æfir þú íþróttir eða spilarðu á hljóðfæri? Æfi ballett hjá ballettskóla Eddu Scheving.
Hvað ætlar þú að verða þegar þú verður stór? Hestastelpa.
Hvað er það klikkaðasta sem þú hefur gert? Að fara í risastóra vatnsrennibraut á Tenerife.
Gerðir þú eitthvað skemmtilegt í sumar? Fór með fjölskyldunni til sólarlanda, lærði að synda með enga kúta, fór að veiða lax í Elliðaánum og fékk göt í eyrun.
Næst » Þórey skorar á Davíð Stein Einarsson, bróður sinn, að svara næst.
