Dagur sauðkindarinnar
Höfundur: EGM
Félag sauðfjárbænda í Rangárvallasýslu stóð fyrir degi sauðkindarinnar í félagsheimilinu Skeiðvangi á Hvolsvelli þann 17. október. Var þetta í áttunda sinn sem slíkur viðburður er haldinn.
Á sýninguna komu efstu hrútar úr sýningum í hverri sveit milli Þjórsár og Markarfljóts og voru dæmdir upp á nýtt. Um 300 gestir mættu á sýninguna.
Efstu lambhrútar
Nr. 43 frá Árbæjarhjáleigu með 89.5 heildarstig. F: Bursti 12-912.
Nr. 358 frá Saurbæ með 88 heildarstig. F: Babar 14-078.
Nr. 11 frá Djúpadal með 88 heildarstig. F: Snævar 12-333.
Veturgamlir hrútar
14-354 Farsæll frá Hemlu með 38.5 stig BML og 90 heildarstig. F: Fannar 10-488.
14-520 Fannar frá Kálfholti með 37.5 stig BML og 90 heildarstig. F: Bellman 13-193 Álfhólum.
14-138 Hnökri frá Vestra Fíflholti með 37.5 BML og 89 heildarstig. F: Bekri 12-911.
Gimbrar
Nr. 5126 frá Austvaðsholti með 9.5 fyrir frampart, 19 læri og heildarstig 47.5.
Nr. 666 frá Teigi með 9.5 fyrir frampart, 19 fyrir læri og 46.5 heildarstig.
Nr. 38 Frá Skíðbakka 1 með 9.5 fyrir frampart, 19 læri og heildarstig 46.5.
Gestir völdu litfegursta lambið og var valin svartflekkótt gimbur frá Brekku í þykkvabæ.
Verðlaun voru veitt fyrir 5 vetra ær sem standa efstar í kynbótamati í sýslunni. 4 af 5 efstu ánum voru frá Skarði. Efsta ærin var 10-110 frá Skarði með 118.5 stig.
Veitt voru verðlaun fyrir þyngsta dilk úr sýslunni lagðan inn hjá SS nú í haust. Hann var frá Sigrúnu Brynju Haraldsdóttur, Svanavatni og vó 29 kg og DU3.
Þá var útnefnt ræktunarbú Rangárvallasýslu 2014. Félagsbúið Ytri-Skógum.
Styrktaraðilar sýningarinnar voru Húsasmiðjan Hvolsvelli, SS sem gaf gestum kjötsúpu og fjörulæri fyrir þyngsta dilkinn. Aurasel og Fóðurblandan lánuðu grindur.
Verðlaunagripir voru útskornir af Ragnhildi Magnúsdóttur í Gígjarhólskoti og mynd máluð af Gunnhildi Jónsdóttur, Berjanesi.
Í lokin voru boðin upp 2 lömb sem voru gefin til að standa undir kostnaði.
