Borða páskaegg, fara á skíði og í sund

Jónas er stundvís og glaður stærðfræðisnillingur sem á heima í Kópavogi, með pabba, mömmu, stóru systur og veiðihundinum Gauju. 

Hann æfir fótlbolta með Breiðablik og þykir gaman að spila tölvuleiki.  Jónas elskar ís og góðan mat.

Nafn: Jónas Guðjónsson.

Aldur: 9 ára.

Stjörnumerki: Steingeit.

Búseta: Í vesturbæ Kópavogs.

Skóli: Kársnesskóli.

Hvað finnst þér skemmtilegast í skólanum? Stærðfræði og íþróttir eru skemmtilegastar.

Hvert er uppáhaldsdýrið þitt? Ljón.

Uppáhaldsmatur: Píta.

Uppáhaldshljómsveit: Daði og gagnamagnið.

Uppáhaldskvikmynd: Avengers, Infinity War.

Fyrsta minning þín? Þegar ég fékk lest í jólagjöf.

Æfir þú íþróttir eða spilarðu á hljóðfæri? Ég æfi fótbolta með Breiðabliki, ég hef líka prófað frjálsar íþróttir og það var mjög gaman, en mig langar til að prófa handbolta.

Hvað ætlar þú að verða þegar þú verður stór? Húsasmiður eins og pabbi minn.

Hvað er það klikkaðasta sem þú hefur gert? Hoppa niður af bílskúrsþaki, ég ætla ekki að gera það aftur.

Hvað ætlarðu að gera skemmtilegt um páskana? Ég ætla að borða páskaegg, fara á skíði og í sund.

Næst » Ég skora á vinkonu mína, Heiðrúnu Önnu Kristinsdóttur, að svara næst.