Barngóð og mikill dýravinur

Dagbjört Nótt er lífsglöð og kát sveitastelpa á Melrakkasléttu. 

 

Henni finnst gaman að leika við vini sína og syngja. Hún er mikill dýravinur og mjög barngóð. Hún er alveg einstaklega náin litlu systur sinni og mjög dugleg að aðstoða með hana. 

 

Nafn: Dagbjört Nótt Jónsdóttir.

Aldur: 13 ára þann 28. desember.

Stjörnumerki: Steingeit.

Búseta: Reistarnesi á Melrakkasléttu.

Skóli: Öxarfjarðarskóli.

Hvað finnst þér skemmtilegast í skólanum? Íþróttir.

Hvert er uppáhaldsdýrið þitt? Köttur, skjaldbaka, mörgæs, gíraffi og lamadýr.

Uppáhaldsmatur: Núðlur.

Uppáhaldshljómsveit: Little Mix og One direction.

Uppáhaldskvikmynd: Hunger games.

Fyrsta minning þín? Þegar ég og besta vinkona mín vorum svona 6 ára og stálumst í nammi heima hjá mér og ákváðum að henda því í ruslið inni hjá litla bróður mínum. Svo að ef mamma eða pabbi myndu finna það myndu þau halda að það hefði verið Bergsteinn (litli bróðir) sem hefði stolist í nammið.

Æfir þú íþróttir eða spilarðu á hljóðfæri? Ég æfi söng og frjálsar íþróttir.

Hvað ætlar þú að verða þegar þú verður stór? Íþróttakennari eða söngkennari.

Hvað er það klikkaðasta sem þú hefur gert? Klifrað upp á þak á húsi, ég er svo lofthrædd.

Gerðir þú eitthvað skemmtilegt í sumar? Ég fór til Tenerife með mömmu, Jónínu (stóru systur) og Bergsteini og svo fórum við öll fjölskyldan í ferðalag um Vestfirðina.

 

Næst » Dagbjört Nótt skorar á Ingvar Örn Tryggvason til að svara næst.