Atkvæðagreiðsla um búvörusamninga framlengd
Höfundur: Tjörvi Bjarnason
Kjörstjórn atkvæðagreiðslu um búvörusamninga greindi frá því í kvöld að frestur til að kjósa verður framlengdur til þriðjudagsins 22. mars. Ástæðan er sú að pappírskjörseðlar voru ekki prentaðir og póstlagðir í samræmi við pöntun til prentsmiðju.
Kjörgögn til þeirra kjósenda sem fengu þau ekki send af framangreindum ástæðum, verða póstlögð eins fljótt og auðið er að sögn kjörstjórnar. Vegna þessa verður frestur til að póstleggja atkvæði framlengdur til þriðjudagsins 22. mars nk. og verða atkvæði talin þriðjudaginn 29. mars. Rafræn kosning verður sömuleiðis opin til 22. mars.
