Andlegri heilsu bænda hnignar
Andlegri heilsu bænda hefur hnignað á Bretlandseyjum síðustu fjögur ár eftir því sem segir í frétt á BBC. Geðheilsu bænda eldri en 61 árs hnignar mest samkvæmt rann- sóknum Farm Safety Foundation.
Ein ástæðan er talin vera meiri félagsleg einangrun bænda sem vinna langan vinnudag, oft í dráttarvélum sínum eða með búfénaði. Sömuleiðis hefur samkomustöðum á landsbyggðinni í Bretlandi fækkað, svo sem knæpum og verslunum.
Fjölgun hefur orðið í sjálfsvígum bænda en árið 2024 var hún 7 prósent á Englandi og í Wales.
Þessi þróun helst í hendur við versnandi hag breskra bænda, segir í frétt BBC. Eldri bændur kveðast ekki hafa lifað erfiðari tíma í breskum landbúnaði. Kostnaður aukist, váleg veður eru algengari, skortur sé á starfsfólki, samkeppni við innfluttar landbúnaðarafurðir sé harðari og stjórnsýsla hafi aukist í kringum búskapinn.
Bændur kalla eftir opnara samtali við stjórnvöld svo þeir upplifi sig ekki eina í baráttunni við aðstæður. Þeir þurfi að hafa aðgang að hjálp þegar þeir þurfi á henni að halda.
