Ályktað um lúpínu og upplýsingaóreiðu
Aðalfundur Skógræktarfélags Íslands hvetur vísindamenn með akademískar kennslustöður við innlenda háskóla til þess að vanda orðræðu sína opinberlega og í fjölmiðlum.
Það kemur fram í ályktun sem samþykkt var á aðalfundi Skógræktarfélags Íslands sem haldinn var í Neskaupstað dagana 30. ágúst til 1. september. Í ályktuninni segir enn fremur: „Markmið málþingsins var að stuðla að frekari þekkingu íslenskra vísindamanna og þeirra sem starfa í skapandi greinum á sögu Baska á Íslandi og tengja saman íslenskan og baskneskan menningararf.“
Þá hvetur Skógræktarfélagið til þess að rannsóknum á losun kolefnis vegna jarðvinnslu verði forgangsraðað og beindi ályktun þar að umhverfis-, orku- og loftslagsráðuneytinu, matvælaráðuneytinu, Landbúnaðarháskóla Íslands og Landi og skóg. „Fyrir upplýsta umræðu um áhrif jarðvinnslu á kolefnisbúskap vantar frekari rannsóknir á málefninu hér á landi,“ segir í ályktun aðalfundarins.
Ávinningur útivistarskóga og lundir fyrir Grindvíkinga
Fimm aðrar ályktanir voru samþykktar á aðalfundinum. Skorað er á Land og skóg að hefja rannsóknir til að styðja við gerð raunhæfra reglna um notkun lúpínu og hefja á ný framleiðslu, notkun og sölu á lúpínufræi ásamt tilheyrandi Rizobium smiti. Ríki og sveitarfélög eru hvött til þess að fylgja eftir vörsluskyldu búfjár. Aðalfundurinn fól stjórn að hefja stefnumörkunarvinnu þar sem hlutverk og markmið Skógræktarfélags Íslands verða brýnd. „Taka verður tillit til breytinga sem eru að verða á þróun skóga og samfélags,“ segir í ályktuninni.
Þá hvetur félagið matvælaráðherra til að hlutast til um að komið verði á sérstöku styrkjakerfi fyrir uppbyggingu, grisjun og umhirðu útivistar- og lýðheilsuskóga. „Með aukinni umhirðu eykst gildi skóganna til útivistar og notkun eykst. Raunverulegur kostnaður við þessa vinnu er margfaldur á við þær fjárhagslegu tekjur sem af skógunum eru og skógræktarfélög hafa ekki bolmagn til að standa undir þeim kostnaði. Ávinningur af þessum skógum er hins vegar alls samfélagsins.“
Þá eru skógræktarfélög á suðvesturhorni landsins hvött til að koma á fót Grindavíkurlundum á sínu svæði.
Skógræktarfélag Neskaupstaðar, Skógræktarfélag Reyðarfjarðar og Skógræktarfélag Eskifjarðar voru sameiginlega gestgjafar aðal- fundar Skógræktarfélags Íslands. Formaður þess er Jónatan Garðarsson frá Skógræktarfélagi Hafnarfjarðar.
Nýir stjórnarmeðlimir voru kjörnir á fundinum, þau Hrefna Hrólfsdóttir, Skógræktarfélagi Mosfellsbæjar, Sverrir Bollason, Skógræktarfélagi Reykjavíkur og Pavle Estrajher, Skógræktarfélagi Borgarfjarðar, sem voru kjörin í stað Þuríðar Yngvadóttur, Skógræktarfélagi Mosfellsbæjar, Jens B. Baldurssonar, Skógræktarfélagi Akraness og Berglindar Ásgeirsdóttur, Skógræktarfélagi Suðurnesja.
Aðrir sem eiga sæti í stjórn eru Aðalsteinn Sigurgeirsson, Skógræktarfélagi Reykjavíkur, Nanna Sjöfn Pétursdóttir, Skóg- ræktarfélagi Bíldudals og Páll Ingþór Kristinsson, Skógræktarfélagi Austur- Húnvetninga.
Elsti skógræktarfélagi Neskaupstaðar
Sex félagar Skógræktarfélags Íslands, úr hópi gestgjafa, voru heiðraðir á aðalfundinum. Kristinn Ólafur Briem, Guðrún Jóhanna Kjartansdóttir og Ásmundur Ásmundsson frá Skógræktarfélagi Reyðarfjarðar og Auður Bjarna- dóttir, Bjarni Aðalsteinsson, Sigurborg Hákonardóttir og Benedikt Sigurjónsson frá Skógræktarfélagi Neskaupstaðar, en þess má til gamans geta að Auður er elsti félagi Skógræktarfélags Neskaupstaðar, 98 ára að aldri.
