Ætla að verða umhverfisverkfræðingur
Auður Sesselja Jóhannesdóttir býr á Stóra-Ármóti í Flóa ásamt foreldrum sínum og systkinum.
Hún er róleg stelpa sem finnst gott að vera heima með fjölskyldu og vinum. Auður er í Flóaskóla, sem er um 100 barna sveitaskóli í Flóahreppi, og í bekknum hennar eru 14 krakkar.
Nafn: Auður Sesselja Jóhannesdóttir.
Aldur: 13 ára.
Stjörnumerki: Vatnsberi.
Búseta: Stóra-Ármót 2.
Skóli: Flóaskóli.
Hvað finnst þér skemmtilegast í skólanum? Íþróttir.
Hvert er uppáhaldsdýrið þitt? Hundur.
Uppáhaldsmatur: Kjúklingur.
Uppáhaldshljómsveit: Queen.
Uppáhaldskvikmynd: Avengers.
Fyrsta minning þín? Þegar ég var 3 ára í fellihýsi með fjölskyldunni minni á Þingvöllum í æðislegu veðri.
Æfir þú íþróttir eða spilarðu á hljóðfæri? Ég hef prófað að æfa fimleika og fótbolta en æfi núna dans. Ég lærði einn vetur á píanó en hætti svo og spila ekki á hljóðfæri.
Hvað ætlar þú að verða þegar þú verður stór? Umhverfisverkfræðingur, því ég hef mikinn áhuga á umhverfinu okkar og hvernig við hlúum að jörðinni okkar.
Hvað er það klikkaðasta sem þú hefur gert? Þegar ég var 6 ára fór ég í stóran rússíbana í Legolandi í Danmörku. Það er ótrúlega skemmtileg minning.
Hvað ætlarðu að gera skemmtilegt í sumar? Njóta sumarsins og fara í ferðalag með fjölskyldunni um landið, meðal annars um Vestfirði.
Næst » Auður skorar á Odd Olav, bekkjarbróður sinn, að svara næst.
